Update Covid-19 TL 08 Setembru: Kazu Pozitivu Covid-19 Hamutuk 158 & Obitu Nain 1

DILI, STLNEWS.co – Ohin loron 8 fulan Setembru tinan 2021 liu husi Centru Integradu Gestão de Crises, Sala Situação (CIGC-SS) rezistu tan kazu konfirmadu pozitivu Covid-19 hamutuk 158 no kazu obitu nain 1 neebe mate ho pozitivu Covid-19.

Kestaun nee informa husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Kuarta nee (08/09/2021).

Nia hatete, kazu detetadu foun neebe relata ohin loron iha nain 158, Munisipiu Dili iha 109, Munisipiu Baucau iha 17 no RAEOA 8, Ainaro 8, Manatuto 6 nomos munisipiu seluk hamutuk 10.

Nia dehan, total kazu foun nee iha mane nain 72 nomos feto iha nain 86, ho idade tinan 20 nee iha nain 25 hetan 11,0%, idade entre tinan 12 to’o 59 iha nain 120 hetan 76%, inklui mos ema ho idade 60 iha nain 13, sira nee 40 kazus ka 25,3% mak sintomatiku (hatudu sintomas).

Nia esplika, kazu detetadu foun ohin 36 hetan 23%, iha ona vasina kompletu no iha 24 iha 15% hetan ona vasina doze dahuluk.

Nia koalia, iha kazu rekuperadu 466, total kazu ativu neebe sei iha sala izolamemtu iha 3.631, total kazu konfirmadu kumulativu iha loron 8 fulan Setembru tinan 2021 no sura husi loron 21 fulan Marsu tinan 2020 hamutuk 18.046.

Entretantu iha mos óbitu neebe Centro Integrado Gestão de Crises, Sala Situação (CIGC-SS) rezistu tan kazu mate ho Covid-19 iha nain 1, mane ho idade tinan 60, Timoroan, hela iha Dili, vasina seidauk kompletu, iha loron 5 fulan Setembru tinan 2021 diagnóstikadu iha HNGV, ho sindroma insufisiénsia respiratória aguda (SIRA) tanba Covid-19.

Nia informa, iha loron nee kedas matebian halao tratamentu iha izolamentu Lahane, Matebian iis kotu ohin tuku 3:52 dader.

“Ita nia ekipa saude ho familia kolabora ho ekipa saude atu halao funeral tuir protokolu neebe adopta iha Timor-Leste,” dehan nia.

Aleinde iha Laboratoriu Nasional Saude halo teste PCR 495 iha Munisipiu Dili, iha Vijilansia sentinela 75, Rastreiu ba kontaktu (Contact tracing) 83, Rastreiu Aleatóriu (Random Screening) iha 105.

Tanba sira nee viajen sai husi Serka Sanitária (SS) Munisipiu Dili iha 132, viajen internasional 12, Follow up iha kuarentena 88, total testes PCR neebe halo horiseik loron 7 fulan Setembru iha Munisipiu sira seluk REAOA  no HNGV hamutuk iha 420.

Iha Munisipiu Baucau 105, Ermera 14, Maliana 49, Maubisse 20, RAEOA 38, Suai 41, Viqueque 21, Lospalos 9, HNGV 123.

Nia afirma, Vasina neebe fo ona ba populasaun elijível tinan 18 ba leten to’o ohin dader 10:00, loron 8 fulan Setembru tinan 2021 tuir sistema informasaun saude iha Ministeriu Saude doze segundu iha TL 28.7% no primeiru doze iha 52.9%.* 

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: