Update Covid-19 TL 10 Setembru: Kazu Pozitivu Hamutuk 92 & Rekuperadu 325

DILI, STLNEWS.co – Loron 10 fulan Setembru tinan nee, liu husi Centru Integradu Gestãu de Crises, Sala Situação (CIGC-SS) rejistu kazu konfirmadu pozitivu Covid-19 hamutuk 92 no rekuperadu iha 325.

Hatete Koordenador Forsa-Tarefaba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensia, Sesta nee (10/09/2021).

Nia dehan, kazu detetadu foun neebe iha 92, iha Munisipiu Dili nain 62, Bobonaro 9, Baucau iha 5, munisipiu seluk hamutuk nain 16.

Nia esplika, husi kazu mane iha nian 36 no feto iha nain 56, idade 20 nee iha nain 10 hetan 10,8%, no idade entre tinan 12 to’o 59 nain 79 hetan 85,8%, nomos ema idade 60 iha 3, depois iha 37 kazus ka 40,2% mak sintomatiku (hatudu intomas).

Nia informa, husi kazu detetadu foun nee iha nain 21 (23%) iha ona vasina kompletu, nain 7 (8%) hetan ona vasina doze dahuluk.

Nia koalia, kazu rekuperadu iha nain 325, total kazu ativu iha nain 3.295, nomos total kazu konfirmadu kumulativu iha loron 10 fulan Setembru tinan 2021 no sura husi loron 21 fulan Marsu tinan 2020 hamutuk 18.308.

Aleinde nee, iha Laboratoriu Nasional Saude halo teste PCR 462, vijilansia sentinela 35, rastreiu ba kontaktu (contact tracing) iha 70, rastreiu aleatoriu (random screening) iha 49.

Tanba sira viajen sai husi Serka Sanitária (SS) Munisipiu Dili iha 129, viajen internasional nain 2, follow up iha kuarentena hamutuk 177.

Nia tenik, total testes PCR neebe halo horiseik loron 9 fulan Setembru iha Munisipiu sira seluk inklui REAOA no HNGV hamutuk iha nain 321, tuir mai hanesan Baucau 50, Ermera 24, Maliana 36, Maubisse 22, Suai 24, Viqueque 13, Lospalos 6, RAEOA la iha (0), no HNGV 146.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: