Update Covid-19 TL 14 Setembru: Kazu Pozitivu Covid-19 Hamutuk 118 & Rekuperadu 176

DILI, STLNEWS.co – Loron 14 fulan Setembru tinan 2021, liu husi Centru Integradu Gestão de Crises, Sala Situação (CIGC-SS) rezistu kazu konfirmadu pozitivu Covid-19 hamutuk nain 118 no rekuperadu nain 176.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi konferensia imprensa, Tersa nee (14/09/2021).

Nia dehan, kazu detetadu foun neebe relata ohin loron 14 fulan Setembru tinan 2021 iha nain 118 no Munisipiu Dili iha 93, munisipiu seluk hamutuk 25.

Nia esplika, total kazu detetadu foun iha mane nain 66 no feto 52, sira nee idade 20 iha nain 15 hetan 9,7%, idade entre tinan 12 to’o 59 nain 96 iha 81,3%, nomos ema ho idade 60 iha nain 7.

Nia informa, kazu faun iha 54 kazus ka 54,2% mak sintomátiku (hatudu sintomas), kazu detetadu foun iha nain 31 (26%) iha ona vasina kompletu, nomos iha nain 12 nee hetan (10%) hetan ona vasina doze dahuluk. Kazu rekuperadu 176, kazu ativu ohin nee iha 2.952, total kazu konfirmadu kumulativu iha loron 14 fulan Setembru tinan 2021 no sura      husi loron 21 fulan Marsu tinan 2020 hamutuk 18.715.

Entretantu Laboratoriu Nasional Saude halo teste PCR iha nain 404, hanesan Vijilánsia Sentinela iha nain 44, Rastreiu ba kontaktu (Contact tracing) 58, Rastreiu Aleatóriu (Random Screening) iha 64.

Nia tenik, tanba viajen sai husi Serka Sanitária (SS) Munisipiu Dili iha nain 131, viajen internasionál iha nain 67, Follow up iha kuarentena nain 40, no total testes PCR neebe halo horiseik loron 13 fulan Setembru, iha Munisipiu sira seluk, REAOA no  HNGV, hamutuk 339.

Hanesan Baucau 46, Ermera 25, Maliana 10, Maubisse 27, RAEOA 41, Suai 27, Viqueque 13, Lospalos 35, HNGV 115.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: