Update Covid-19 TL 15 Outubru: Kazu Pozitivu 9 No Rekuperadu 17

DILI, STLNEWS.co – Loron Tersa 15 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu kazu pozitivu nain 9 no rekuperadu iha nain 17.

Hatete Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Sesta nee (15/10/2021).

Nia dehan, kazu detetatu foun neebe relata ohin loron 15 fulan Outubru tinan 2021 nee iha nain 9, inklui Munisipiu Dili iha nain 4 nomos munisipiu seluk iha 5.

Nia esplika, husi total kazu sira nee iha mane nain 3, no feto iha 6, no sira nee idade 20 iha nain 4 (40,4%) nomos ho idade entre tinan 12 to’o 59 nain 4 (40,4%), inklui iha ema ho idade 60 iha nian 1, husi sira nee iha 6 kazus ka 66,6% mak sintomátiku (hatudu sintomas).

Nia informa, kazu detetadu foun nee iha 1 (11%) iha ona vasina kompletu no iha 0 (0%) iha mos hetan ona vasina doze dahuluk.

Nia koalia, kazu rekuperadu 17, total kazu ativu 103, nomos kazu konfirmadu kumulativu iha loron 15 fulan Outubru tinan nee, no sura husi 21 loron Marsu tinan 2020 hamutuk 19.703.

Entretantu iha Laboratoriu Nasional Saude halo teste PCR iha 36 Munisipiu Dili, hanesan Vijilánsia Sentinela 0, Rastreiu ba kontaktu (Contact tracing) iha 0, Rastreiu Aleatoriu (Random Screening) 18, Viajen internasional iha 16, Follow up iha Kuarentena 2.

Depois total testes PCR neebe halo horiseik loron 14 fulan Outubru, iha Munisipiu sira seluk, REAOA inklui HNGV hamutuk 163, hanesan Munisipiu Baucau iha 39, Ermera 0, Maliana 8, Maubisse 7, RAEOA 15, Suai 17, Viqueque 9, Lospalos 8, HNGV 50, Vera Cruz iha 10.

Nomos total teste PCR iha oras 24 ikus 199, ida nee hatudu taxa pozitividade 4,5% iha semana kotuk taxa pozitividade 7,4%.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here