Update Covid-19 TL 15 Setembru: Kazu Pozitivu Hamutuk 71 & Rekuperadu 265

DILI, STLNEWS.co – Loron 15 fulan Setembru tinan 2021, liu husi Centro Integrado Gestão de Crises, Sala Situação (CIGC-SS), rejistu tan kazu konfirmadu pozitivu 71 no rekuperadu iha nain 265.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Kuarta nee (15/09/2021).

Nia dehan, kazu detetadu foun neebe relata iha loron 15 fulan Setembru tinan nee iha nain 71, Munisipiu Dili 34, Baucau 11, no munisipiu seluk hamutuk iha nain 26.

Nia esplika, kazu detetadu foun ohin mane iha nain 40 no feto iha 31, kazu sira nee ho tinan 20 iha 11 (15,4%), idade entre tinan 12 to’o 59 nain 54 (76,0%), nomos ema ho idade 60 iha nain 6, depois husi nain 56 (78,9%) mak sintomátiku (hatudu sintomas).

Nia informa, kazu detetadu foun ohin nee iha 18 (25%) neebe simu vasina kompletu no nain 8 (11%) hetan ona vasina doze dahuluk. Kazu rekuperadu iha nain 265, no kazu ativu iha 2.756, nomos kazu konfirmadu kumulativu iha loron 15 fulan Setembru tinan 2021 no sura husi loron 21 fulan Marsu tinan 2020 hamutuk 18.786.

Aleinde nee, iha Laboratóriu Nasionál Saúde halo teste PCR 283 hanesan iha vijilánsia sentinela 16, rastreiu ba kontaktu (contact tracing) 5, rastreiu aleatóriu (random screening) iha 41.

Viajen sai husi serka sanitária (SS) Munisipiu Dili iha nian 105, viajen internasional 7, follow up iha kuarentena iha 109.

Total testes PCR neebe halo iha munisipiu sira inklui REAOA no HNGV hamutuk 385, tuir mai hanesan iha Munisipiu Baucau 40, Ermera 22, Maliana 19, Maubisse 24, RAEOA 77, Suai 69, Viqueque 9, Lospalos 40, no HNGV 85.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: