Update Covid-19 TL 19 Setembru: Kazu Pozitivu Tuun 39, Rekoperadu Sae 251 & Mate 1

DILI, STLNEWS.co – Loron 19 fulan Setembru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu pozitivu Covid-19 tuun ba 39, no rekoperadu sae makaas ba 251, nomos mate ho Covid-19 nain 1.

Haktuir Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira, liu husi nota konferensia imprensa, Domingu nee (19/09/2021).          

“Ita nia numeru kazu detetadu foun redus barak liu tan, kompara ho horiseik, no kazu rekuperadu nafatin barak liu, nomos kazu óbitu iha nain 1, 94% (98/104) husi ema neebe mate tanbá Covid-19, neebe seidauk vasina kompletu, iha mos numeru ema neebe halo tratamentu ospitalizadu redus kompara ho horiseik,” hatete Rui.

Nia esplika, kazu foun neebe iha nain 39 iha Dili iha 20, no munisipiu seluk hamutuk 19, nomos total kazu foun nee iha mane 23 no feto 16, sira nee ho idade 20 iha nian 6, hetan 15,3%, maibe idade entre tinan 12 to’o 59 nain 30 (76,9%), ema neebe ho idade 60 nain 3.

Nia esplika, kazu detetadu foun nee iha 22 kazus ka 56,4% mak sintomátiku (hatudu sintomas), husi kazu foun nee iha 7 (18%) iha ona vasina kompletu no 7 (18%) hetan ona vasina doze dahuluk. Kazu rekuperadu 251, total kazu ativu 1.675, total kazu konfirmadu kumulativu iha loron 19 fulan Setembru tinan 2021, no sura husi loron 21 fulan Marsu tinan 2020 iha 19.033.

Aleinde nee, total óbitu neebe relata ohin loron 19 fulan Setembru tinan 2021 iha nain 1, mane ho idade 75, hela iha Dili, seiduak vasina, iha loron 13 fulan Setembru tinan 2021, diagnóstikadu iha HNGV ho Sindroma Insufisiénsia Respiratória Aguda (SIRA) tanba Covid-19.

“Horikalan matebian iis kotu tuku 23:10 iha Vera Cruz, no familia kolabora  ho ekipa saude, hodi halao funeral tuir protokolu neebe adopta iha Timor Leste,” nia informa.

Nia afirma, Laboratoriu Nasional Sauden halo teste PCR 167 hanesan Vijilánsia Sentinela 7, Rastreiu ba kontaktun (Contact tracing) 11, Rastreiu Aleatóriu (Random Screening) iha 9.

Sira nee viajen sai husi Serka Sanitária (SS) Munisipiu Dili iha 59, viajen internasionál 24, Follow up iha kuarentena 57, total testes PCR neebe halo horiseik iha loron 18 fulan Setembru, iha munisipiu sira seluk hanesan REAOA inklui HNGV hamutuk 268.

Hanesan Baucau 87, Ermera 7, Maliana 15, Maubisse 22, RAEOA 8, Suai 22, Viqueque 9, Lospalos 11 no HNGV 87.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...