Update Covid-19 TL 20 Outubru: Kazu Foun Hamutuk 16

DILI, STLNEWS.co – Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2.

“Kazu detetadu foun ne’ebe relata ohin loron 20 fulan Outubru tinan ne’e iha nain 16, i iha Dili 14 no munisipiu seluk nain 2, husi total kazu detetadu foun ohin mane 12, feto 4, hirak ho idade tinan 20 nain 3 (18,7%), idade entre tinan 12-59 nain 13 (81,2%), no idade 60 la iha (0),” lia hirak ne’e hato’o husi Koordenador Forsa Tarefa ba Prevensaun no Metigasaun Surtu Covid-19 iha Timor Leste, Rui Maria de Aroujo ba jornalista sira liu husi nota konferensia imprensa, Kuarta (20/10/2021).

Nia hatutan husi total kazu detetadu foun ohin, 8 kazus ka 50% mak sintomatiku (hatudu sintomas). Nomos husi kazu detetadu foun ohin, 3 (19%) iha ona vasina kompletu, no 0 ne’ebe hetan ona vasina doze dahuluk.

Koordenador Forsa Tarefa ba Prevensaun no Metigasaun Surtu Covid-19 iha Timor Leste ne’e mos afirma kazu rekuperadu ne’eb relata ohin, dia 20 de Outubru de 2021 ne’e nain 3, i total kazu ativu ohin loron 20 Outubru tinan 2021 hamutuk 86.

Total kazu konfirmadu kumulativu iha 20 Outubru tinan 2021 no sura husi 21 Marsu 2020 hamutuk 19.746.

Nune’e mos husi horiseik mai ohin, loron 20 fulan Outubru de 2021, hamutuk hotu Laboratóriu Nasional Saude halo 231 testes PCR iha Dili, mak hanesan vijilánsia sentinela 0, rastreiu ba kontaktu 1, rastreiu aleatoriu 32, viajen internasional 192, no follow up iha kuarentena nain 6.

Nia haktuir tan, total testes PCR neebe halo horiseik iha loron 19 Outubru, iha Munisipiu sira seluk inklui HNGV ho izolamentu Vera Cruz hamutuk 218, ho detallu Baucau 51, Ermera 0, Maliana 9, Maubisse 6, RAEOA 5, Suai 43, Viqueque 13, Lospalos 2, HNGV 81, no Vera Cruz 5.

Total teste PCR iha oras 24 ikus 449. Ida nee hatudu taxa pozitividade 3,5% (iha semana kotuk, 13 de Outubru, taxa pozitividade 2,3%). Kazu obitu relata ohin 20 de Outubru de 2021 laiha.*

(nat)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...