Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318.

“Kazu detetadu foun neebe relata ohin loron 21 fulan Setembru hamutuk 67, husi Dili 42, Baucau 10 no munisipiu sira seluk nain 15, no kazu rekuperadu ohin loron hamutuk 318,” lia hirak hato’o husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Tersa nee (21/09/2021).

Nia informa, husi total kazu detetadu foun ohin, mane 29 feto 38. Husi total kazu detetadu foun ohin nee ho idade 20 nain 12 (17,9%), idade entre tinan 12-59 nain 49 (73,1%), nomos idade 60 nee iha nain 6.

Nia hatutan, husi total kazu detetadu foun ohin 20 kazus ka 80% mak sintomatiku, no hatudu sintomas. Husi kazu detetadu foun ohin 13 hetan (19%), iha ona vasina kompletu. No nain 9 (13%) hetan ona vasina doze dahuluk.

Total kazu ativu ohin loron 21 fulan Setembru tinan 2021, nee hamutuk 1.319, depois total kazu konfirmadu kumulativu iha loron 21 fulan Setembru tinan 2021, sura husi loron 21 fulan Marsu tinan 2020 nee hamutuk 19.125.

Husi horiseik mai ohin loron 21 fulan Setembru tinan nee, hamutuk hotu  Laboratoriu Nasional Saude halo 372 testes PCR iha Dili, mak hanesan, Vijilánsia Sentinela iha 6, Rastreiu ba kontaktu (Contact tracing) nain 20, Rastreiu Aleatoriu (Random Screening) iha 47, viajen sai husi Serka Sanitaria Munisipiu Dili iha 25. Nomos viajen internasional iha 43, Follow up iha kuarentena hamutuk 134.

Aleinde nee, kazu obitu neebe iha ohin loron 21 fulan Setembru tinan 2021 nee nain 2 (rua), mane idade 84, hela iha  Dili, seiduak vasina, iha loron 16 fulan Setembru tinan 2021, diagnóstikadu iha HNGV ho sindroma insufisiénsia respiratória aguda (SIRA) tanba Covid-19, horikalan matebian iis kotu tuku 22:20 iha Vera Cruz.

Familia kolabora ho ekipa saude, hodi halao funeral tuir protokolu neebe adopta iha Timor-Leste, nomos feto ida ho idade 68, hela iha Dili, seidauk vasina, iha loron 12 fulan Setembru tinan 2021, diagnóstikadu iha HNGV ho sindroma insufisiénsiarespiratória aguda (SIRA) tanba Covid-19. Matebian sofre mos diabete ho ipertensaun.

Ohin dader matebian iis kotu tuku 11:57 iha Lahane. Familia kolabora ho ekipa saúde, hodi halao funeral tuir protokolu neebe adopta iha Timor-Leste.*

Reportajen: Natalina Lopes

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...