Update Covid-19 TL 22 Setembru: Kazu Pozitivu 81, Rekuperadu 125 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 81 no kazu rekuperadu hamutuk 125.

“Kazu detetadu foun neebe relata ohin loron 22 fulan Setembru nee hamutuk 81, husi Dili 46, Baucau 24 no  munisipiu sira seluk nain 11, no kazu rekuperadu ohin loron hamutuk 125,” lia hirak nee hato’o husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira, liu husi nota konferensia imprensa, Kuarta nee (22/09/2021).

Nia informa, total kazu detetadu foun ohin mane 43 feto 38. Husi total kazu detetadu foun ohin nee idade 20 nain 18 (22,2%), idade entre tinan 12-59 nain 58 (71,6%), nomos idade 60 nee iha nain 5.

Nia hatutan, husi total kazu detetadu foun ohin 23 kazus ka 28,3% mak sintomatiku, no hatudu sintomas. Husi kazu detetadu foun ohin 10 (12%), iha ona vasina kompletu nee 14 (17%) hetan ona vasina doze dahuluk.

Total kazu ativu ohin loron 22 fulan Setembru tinan 2021, nee hamutuk 1.274, depois total kazu konfirmadu kumulativu iha loron 22 fulan Setembru tinan 2021, sura husi loron 21 fulan Marsu tinan 2020 nee hamutuk 19.206.

Husi horiseik mai ohin loron 22 fulan Setembru tinan nee, hamutuk hotu Laboratoriu Nasional Saude halo 284 testes PCR iha Dili, mak hanesan, Vijilánsia Sentinela iha 72, Rastreiu ba kontaktu (Contact racing) nain 42,  Rastreiu Aleatoriu (Random Screening) iha 41, viajen sai husi serka sanitaria Munisipiu Dili iha 90, nomos viajen internasional iha 22, Follow up iha kuarentena hamutuk 17.

Nia afirma liu tan, total testes PCR neebe halo horiseik loron 21 fulan Setembru, iha Munisipiu sira seluk, REAOA no  HNGV hamutuk 329, no iha   Baucau 49, Ermera 24, Maliana 12, Maubisse 21, RAEOA 38, Suai 19, Viqueque 13, Lospalos 65, no HNGV 88.

Aleinde nee, kazu obitu neebe iha ohin loron 22 fulan Setembru tinan 2021 nee nain 1, mane ho idade 85, hela iha Viqueque, seiduak vasina, iha loron 20 fulan Setembru tinan 2021, diagnostikadu iha Viqueque ho Sindroma Insufisiensia Respiratoria Aguda (SIRA) tanba Covid-19, horikalan matebian iis kotu tuku 20:44 iha Viqueque. Familia kolabora ho ekipa saude, hodi halao funeral tuir protokolu neebe adopta iha Timor-Leste.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...