Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain 1.

“Kazu detetadu foun neebe relata ohin loron 23 fulan Setembru nee hamutuk 58, husi iha Dili 25, Baucau 18 no munisipiu sira seluk nain 15, no kazu rekuperadu ohin loron hamutuk 148,” lia hirak hato’o husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira, liu husi nota konferensia imprensa, Kinta nee (23/09/2021).

Nia afirma, husi total kazu detetadu foun ohin mane 27, feto 31. Husi total kazu detetadu foun ohin nee ho idade 20 nee nain 10 (17, 2%), idade entre tinan 12-59 nain 41 (70,6%), nomos idade 60 nee iha nain 7.

Nia hatutan, husi total kazu detetadu foun ohin 26 kazus ka 49,0% mak sintomatiku, no hatudu sintomas. Husi kazu detetadu foun ohin 17 (29%), iha ona  vasina kompletu nee 8 (14%) nee hetan ona vasina doze dahuluk.

Kazu ativu ohin loron 23 fulan Setembru tinan 2021, nee hamutuk 1.183, nomos total kazu konfirmadu kumulativu iha loron 23 fulan Setembru fulan 2021, sura husi loron 21 fulan Marsu tinan 2020 nee hamutuk 19.264.

Husi horiseik mai ohin loron 23 fulan Setembru tinan nee, hamutuk hotu  Laboratoriu Nasional Saude halo 301 testes PCR iha Dili, mak hanesan, Vijilansia Sentinela iha 6, Rastreiu ba Kontaktu (Contact tracing) nain 34, rastreiu Aleatoriu (Random Screening) iha 93, viajen sai husi serka sanitaria Munisipiu Dili iha 105. Nomos viajen internasional iha 5, Follow up iha kuarentena iha 58.

Nia argumenta, total testes PCR neebe halo horiseik, loron 22 fulan Setembru iha Munisipiu sira seluk, REAOA no HNGV hamutuk 332, no iha  Baucau 80, Ermera 19, Maliana 16, Maubisse 8, RAEOA 20, Suai 11, Viqueque6, Lospalos 51, no HNGV 121.

Aleinde nee, kazu obitu ba ohin loron 23  fulan Setembru tinan 2021 nee nain 1 (ida), mane ida ho idade 54, hela iha Viqueque, seiduak vasina, iha 22 fulan Setembru tinan 2021, halo diagnostikadu ho Sindroma Insufisiensia Respiratoria Aguda (SIRA) tanba  Covid-19, iha loron nee kedas halo tratamentu iha Lahane, no ohin dader 10:30 matebian iis kotu, ho nunee familia kolabora ho ekipa saude, hodi halao funeral tuir protokolu neebe adopta iha Timor-Leste.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...