Update Covid-19 TL 28 Setembru: Kazu Pozitivu 47, Rekuperadu 128 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 16, rekuperadu 90 no obitu nain 1.

“Kazu detetadu foun ne’ebé relata ohin loron 28 fulan Setembru nee hamutuk 47, husi Dili 16, Baucau 20, Munisipiu sira seluk nain 11, no kazu rekuperadu ohin loron hamutuk 128,” lia hirak hato’o husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira, liu husi nota konferensia imprensa, Tersa nee (28/09/2021).

Nia informa, husi total kazu detetadu foun ohin mane 20 feto 27. Husi total kazu detetadu foun ohin ne’e ho idade 20 nain 8 (17,0%), idade entre tinan 12-59 nain 37 (78,7%), nomos idade 60 iha 2.

Nia hatutan, husi total kazu detetadu foun ohin 19 kazus ka 40, 4% mak sintomatiku i hatudu sintomas. Husi kazu detetadu foun ohin 8 (17%) iha ona vasina kompletu ne’e 3 (6%) hetan ona vasina doze dahuluk.

Total kazu ativu iha loron 28 fulan Setembru tinan 2021, ne’e hamutuk 838, depois total kazu konfirmadu kumulativu iha loron 28 Setembru tinan 2021, sura husi loron 21 fulan Marsu tinan 2020 ne’e hamutuk 19,445.

Husi horiseik mai ohin loron 28 fulan Setembru tinan 2021 ne’e hamutuk hotu Laboratoriu Nasional Saude halo 257 testes PCR iha Dili, mak hanesan, Vijilansia Sentinela 1, Rastreiu ba Kontaktu (Contact tracing) nain 10, Rastreiu Aleatoriu (Random Screening) iha 47, viajen sai husi serka sanitaria Munisipiu Dili iha 94, nomos viajen internasional iha 24, Follow up iha kuarentena 82.

Nia hatutan, total testes PCR ne’ebé halo horiseik loron 27 fulan Setembru, iha Munisipiu sira seluk, REAOA no HNGV hamutuk 293, no iha Baucau 65, Ermera 5, Maliana 18, Maubisse 21, nomos RAEOA 31, Suai 32, Viqueque 13, Lospalos 14, no HNGV 94.

Aleinde ne’e, total obitu ne’ebé relata ohin loron 28 fulan Setembru      tinan ne’e iha nain 1 (ida), feto idade tinan 78, hela iha Aileu, seidauk vasina, iha loron 22 fulan Setembru tinan 2021, diagnostikadu Sindroma Insufisiensia Respiratoria Aguda (SIRA) tanba Covid-19. Iha loron ne’e kedas halao tratamentu iha Lahane. Ohin iha oras 12:30 matebian iis kotu.          

Maibe familia kolabora ho ekipa saude, hodi halao funeral tuir protokolu ne’ebé adopta iha Timor Leste.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...