Update Covid-19 TL 29 Setembru: Kazu Pozitivu 10, Rekuperadu 69 & Obitu Nain 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 10, kazu rekuperadu 69, no obitu nain 1.

“Kazu detetadu foun neebe relata ohin loron 29 fulan Setembru nee hamutuk 10, husi  Dili 7, munisipiu sira seluk nain 3, no kazu rekuperadu ohin loron hamutuk 69,” lia hirak hato’o husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira, liu husi nota konferensia imprensa Kuarta nee (29/09/2021).

Nia informa, husi total kazu detetadu foun ohin mane 2 feto 8. Husi total kazu detetadu foun ohin nee ho idade 20 nain 3 (17,0%), idade entre tinan 12-59 nain 6 (60%), nomos idade 60 iha 1.

Nia hatutan, husi total kazu detetadu foun ohin 5 kazus ka 50% mak sintomatiku, i hatudu sintomas. Husi kazu detetadu foun ohin 3 (30%) iha ona vasina kompletu nee 2 (20%) hetan ona vasina doze dahuluk.

Total kazu ativu iha loron 29 fulan Setembru tinan 2021, nee hamutuk 778, depois total kazu konfirmadu kumulativu iha loron 29 fulan Setembru tinan 2021, sura husi loron 21 fulan Marsu tinan 2020 nee hamutuk 19,455.

Husi horiseik mai ohin loron 29 fulan Setembru tinan 2021 nee hamutuk hotu Laboratoriu Nasional Saude halo 228 testes PCR iha Dili, mak hanesan, Vijilansia Sentinela 10, Rastreiu ba Kontaktu (Contact tracing) nain 2, rastreiu Aleatoriu (Random Screening) iha 14, viajen sai husi serka sanitaria Munisipiu Dili iha 62. Nomos viajen internasional iha 34, Follow up iha kuarentena hamutuk 106.

Nia hatutan, total testes PCR neebe halo horiseik loron 28 fulan Setembru, iha Munisipiu sira seluk, REAOA no HNGV, hamutuk 227, no iha Baucau 25, Ermera 3, Maliana 8, Maubisse 6, nomos RAEOA 3, Suai 28, Viqueque 7, Lospalos 67, no HNGV 80.

Aleinde nee, total obitu ohin loron nee nain 1 (ida) feto, idade 23 hela iha Baucau, seidauk vasina, iha loron 21 fulan Setembru tinan 2021, diagnostikadu Covid-19 iha Baucau, iha loron nee kedas halo izolamentu iha Baucau. Matebian iha mos problema cardiopatia congenital. Horiseik 13:10 matebian iis kotu iha Baucau. Maibe familia kolabora ho ekipa saude, hodi halao funeral tuir protokolu neebe adopta iha Timor Leste.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...