Update Covid-19 TL 9 Setembru: Kazu Pozitivu 165 & Mate Nain 2

DILI, STLNEWS.co – Loron 9 fulan Setembru tinan 2021 liu husi Centru Integradu Gestão de Crises, Sala Situação (CIGC-SS) rezistu tan kazu pozitivu Covid-19 iha nain 165 no ema neebe mate Covid-19 iha nain 2.

Informa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Kinta nee (09/09/2021).

Nia dehan, kazu foun neebe relata iha nain 165 no Munisipiu Dili iha 81, Bobonaro 40, Baucau 20 inklui munisipiu seluk hamutuk iha nain 24.

Nia esplika, total kazu iha mane nain 84, feto iha 81, ho idade tinan 20 iha nain 26 hetan 15,7%, idade entre tinan 12 to’o 59 nain 129  hetan 78,1%, ema ho idade 60 nain 10, husi kazu nee iha 73 kazus ka 44,2% mak sintomatiku (hatudu sintomas).

Nia informa, husi kazu detetadu foun ohin 27 iha 16%, maibe vasina kompletu 23 (14%) hetan ona vasina doze dahuluk, depois kazu rekuperadu 271, no total kazu ativu neebe sei iha sala izolamentu iha nain 3.523.

Depois iha mos total kazu konfirmadu komulativu iha loron 9 fulan Setembru tinan 2021 no sura husi loron 21 fulan Marsu tinan 2020 iha nain 18.211.

Entretantu iha total obitu neebe ohin rezistu iha nain 2, no mane ho tinan 57, Timoroan, hela iha Dili, vasina kompletu AstraZeneca iha loron 1 fulan Setembru tinan nee, diagnóstikadu iha HNGV, ho Sindroma Insufisiénsia Respiratória Aguda (SIRA) tanba Covid-19.

Nia tenik, matebian sofre mos moras diabetes, loron nee kedas matebian halao tratamentu iha Lahane, no matebian iis kotu iha tuku 17:56 horiseik loraik.

“Familia kolabora ho ekipa saude atu halao funeral tuir protokolu neebe adopta iha Timor Leste,” dehan nia.

Nia hatutan, iha mos mane ho tinan 66, Timoroan hela iha Baucau, seidauk vasina, iha loron 3 fulan Setembru tinan nee, diagnóstikadu iha Hospital Referénsia Eduardo Ximenes Baucau (HoREX), ho sindroma  insufisiénsia respiratória aguda (SIRA) tanba Covid-19.

Matebian sofre mos moras diabetes, hipertensaun no insufisiensia kardiaka, maibe familia lori matebian mai Dili, hela iha uma deit, matebian i’is kotu tuku 06:00 ohin dader, iha uma no familia seidauk deside atu halao funeral tuir protokolu neebe adopta iha Timor Leste.

Aleinde nee, Laboratoriu Nasionál Saúde halo teste PCR 669 iha Dili nian, hanesan Vijilánsia Sentinela 22, Rastreiu ba Kontaktu (Contact tracing) iha 28, Rastreiu Aleatóriu (Random Screening) hamutuk 238.

Nia afirma, sira nee viajen sai husi Serka Sanitária (SS) Munisipiu Dili 161, viajen internasional iha nain 2, Follow up iha kuarentena iha nain 218, nomos total testes PCR neebe halo horiseik, REAOA no HNGV, hamutuk 402.

Hanesan Munisipiu Baucau 86, Ermera 15, Malianan32, Maubisse 20, RAEOA 12, Suai 50, Viqueque 22, Lospalos 6, HNGV 159.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: