Update Covid-19 TL Setembru: Kazu Pozitivu 42, Rekuperadu 103 & Obitu Nain 2

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 42, rekuperadu 103 no obitu nain 2.

“Kazu detetadu foun neebe relata ohin loron 25 fulan Setembru hamutuk 42, husi Dili 22, munisipiu sira seluk nain 20, no kazu rekuperadu ohin loron hamutuk 103,” lia hirak hato’o husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira, liu husi nota konferensia imprensa Sabadu nee (25/09/2021).

Nia informa, husi total kazu detetadu foun ohin mane 23, feto 19. Husi total kazu detetadu foun ohin nee ho idade 20 nee nain 16 (38,0%), idade entre tinan 12-59 nain 19 (45,2%), nomos idade 60 nee iha nain 7.

Nia hatutan, husi total kazu detetadu foun ohin 17 kazu ka 40, 4% mak sintomatiku, no hatudu sintomas. Husi kazu detetadu foun ohin 5 (12%) iha ona vasina kompletu nee 5 (13%), hetan ona vasina doze dahuluk.

Total kazu ativu ohin loron 25 fulan Setembru tinan 2021, nee hamutuk 1.045, depois total kazu konfirmadu kumulativu iha loron 25 fulan Setembru tinan 2021, sura husi loron 21 fulan Marsu tinan 2020 nee hamutuk 19.350.

Husi horiseik mai ohin loron 25 fulan Setembru tinan nee, hamutuk hotu Laboratoriu Nasional Saude halo 210 testes PCR iha Dili, mak hanesan, Vijilánsia Sentinela 2, Rastreiu ba Kontaktu (Contact tracing) nain 3, rastreiu Aleatoriu (Random Screening) iha 34, viajen sai husi serka sanitaria Munisipiu Dili iha 127. Nomos  viajen internasional iha 21, Follow up iha kuarentena 2.

Nia afirma liutan, total testes PCR neebe halo horiseik, loron 24 fulan Setembru iha Munisipiu sira seluk, REAOA no HNGV, hamutuk 341, no iha  Baucau 63, Ermera 10, Maliana 14, Maubisse 4, nomos RAEOA 14, Suai 16, Viqueque 14, Lospalos 75, no HNGV 96.

Nunee mos, kazu obitu neebe iha ohin loron 25 fulan Setembru tinan 2021 nee nain 2, mane idade tinan 59, hela iha  Dili, vasina kompletu (AZ), iha loron 5 fulan Setembru tinan 2021, diagnostikadu ho Sindroma Insufisiensia Respiratoria Aguda (SIRA) tanba  Covid-19, iha loron nee kedas halo tratamentu iha Lahane, horikalan tuku 19: 30 matebian hakotu iis. I familia deside kolabora ekipa saude, hodi halao funeral tuir protokolu neebe adopta iha Timor- Leste. Nomos Mane ho idade 54, hela iha Manatuto, informasaun kona vasina la klaru, iha loron 24 fulan Setembru tinan 2021, diagnostikadu Sindroma Insufisiensia Respiratoria Aguda (SIRA) tanbá Covid-19. Iha loron nee kedas halao tratamentu iha Lahane, horikalan tuku 23:55 matebian iis kotu. Familia kolabora ho ekipa saude, hodi halao funeral tuir protokolu neebe adopta iha Timor-Leste.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...