Update Covid-19 TL 24 Setembru: Kazu Pozitivu 44, Rekuperadu 117 & Obitu 2

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 44, kazu rekuperadu hamutuk 117, no obitu nain 2.

“Kazu detetadu foun neebe relata ohin loron 24 fulan Setembru nee hamutuk 44 husi iha Dili, munisipiu sira seluk nain 24, no kazu rekuperadu ohin loron hamutuk 117,” lia hirak hato’o husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Sesta nee (24/09/2021).

Nia informa, husi total kazu detetadu foun ohin mane 13 feto 31. Husi total kazu detetadu foun ohin nee ho idade tinan 20 nee nain 8 (17,2%), idade entre tinan 12-59 nain 26 (59,0%), nomos idade 60 nee iha nain 4.

Nia hatutan, husi total kazu detetadu foun ohin 47,  7% mak sintomatiku, no hatudu sintomas. Husi kazu detetadu foun ohin 9 (20%) iha ona vasina kompletu nee 11 (25%) hetan ona vasina doze dahuluk.

Total kazu ativu ohin loron 24  fulan Setembru tinan 2021, nee hamutuk 1.108, depois total kazu konfirmadu kumulativu iha loron 22 fulan Setembru tinan 2021, sura husi loron 21 fulan Marsu tinan 2020 nee hamutuk 19.308.

Husi horiseik mai ohin loron 24 fulan Setembru tinan nee, hamutuk hotu Laboratoriu Nasional Saude halo 164 testes PCR iha Dili, mak hanesan, Vijilánsia Sentinela iha 3, Rastreiu ba kontaktu (Contact tracing) nain 12, Rastreiu Aleatoriu (Random Screening) iha 28, viajen sai husi serka sanitaria Munisipiu Dili iha 93, nomos viajen internasional iha 1, Follow up iha quarentena 27.

Nia hatutan, total testes PCR neebe halo horiseik, loron 23 fulan Setembru, iha munisipiu sira seluk, REAOA no HNGV, hamutuk 457, no iha  Baucau 247, Ermera 7, Maliana 10, Maubisse 15, nomos  RAEOA 29, Suai 18, Viqueque 17, Lospalos 45, no HNGV 69.

Aleinde nee, kazu obitu neebe iha ohin loron 24 fulan Setembru tinan 2021 nee nain 2, mane idade 62, hela iha Lautem, vasina kompletu (AZ), iha loron 18 fulan Setembru tinan 2021, diagnostikadu ho Sindroma Insufisiensia Respiratoria Aguda (SIRA) tanba Covid-19, iha loron nee kedas halo tratamentu iha Lahane, no horiseik lokraik 14:45 matebian hakotu iis. familia deside kolabora ekipa saude, hodi halao funeral tuir protokulu neebe adopta iha Timor- Leste. Nomos, mane ho idade 83, hela iha Manatuto, seidauk vasina, iha loron 24 fulan Setembru tinan 2021, diagnóstikadu Sindroma Insufisiénsia Respiratória Aguda (SIRA) tanba Covid-19. Ohin dader 11h10 matebian iis kotu iha Manatuto.

Nia informa, familia rejeita halao funeral tuir protokolu neebe adopta iha Timor Leste.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...