Alito: Sei Limite Vizitante Iha HNGV

DILI, STLNEWS.co – Tuir Diretur Ezekutivu Hospital Nasional Guido Valadares (HNGV), Alito Soares informa, iha situasaun Covid-19 neebe numeru aumenta, nomos funsionariu HNGV lubuk ida mak pozitivu Covid-19, tanba nee sei limite vizitante sira mai iha hospital nee, hodi prevene transmisaun moras nee ba pasiente no mediku sira.

Nia hatete, komunidade sira nia direitu atu halo movimentu mai HNGV, maibe iha situasaun Covid-19 hanesan nee tenke suspende lai. Ho razaun numeru kazu pozitivu Covid-19 sae makaas.

“HNGV liu husi MdS iha ninia papel para atu konserva ninia staf, tanba ami HNGV nian staf mak kolaps nee araska, ho razaun ida nee mak hau hanoin fasil para atu kontrola no limita movimentu sira nee, tanba nee odamatan balun no portaun balun sei taka hela, hau husu deskulpa tenke ser taka duni, tanba atu evita ema nia movimentu livre iha laran, i tuir fali mai mak ita nian ekipa mediku sira halo atendimentu seguru iha laran,” hatete Diretor Ezekutivu HNGV, Alito Soares ba jornalista sira iha nia knaar fatin, Kinta (26/08/2021).

Nia tenik, tuir relatoriu neebe emerjensia fo mai katak, fulan liu ba nee numeru pasiente neebe baixa iha iha HNGV fulan kotuk liu ba sae makaas kuaze 4 mil ital, depois tuir mai tun fali, maibe agora nee makaas tan fali.

Nia informa, konaba kama neebe pasiente uza hodi baixa nee makaas, tenke baixa duni maibe laiha kondisaun, ida nee sai preokupasaun ba HNGV.

“Ho limitasaun kama neebe mak ita iha, hau hanoin Konsellu Miniteriu Saude sei haree hamutuk ida nee, oinsa haree espasu ba para tau ita nia pasiente sira baixa iha laran,” nia esplika.

Nia mos informa, laos vizintante deit mak sira limita, atividade konsulta klinika balun, hanesan operasaun ladun urjente, nee mos sei pendente.

Nia mos rekonese katak, loos duni staf sira nee la to’o, tanba nee HNGV tenke defini lolos ekipa ladun kritiku nee  tau hamutuk, para ekipa nee haree, atu nunee tenke haree no fokus idak – idak neebe tuir.

Iha fatin hanesan familia pasiente, Arlindo de Jesus, afirma, atendimentu iha HNGV iha diferente oituan, tanba sira limite ema atu mai vizita pasiente ho razaun katak, numeru pozitivu aumenta.

“Iha diferente, tanba sira limite ema atu mai vizita pasiente, tanba pasiente ida ema nain ida mak bele hein, no ema labele mai vizita ita hanesan uluk, sira halo hanesan nee tanba numeru Covid-19 aumenta no pesoal saude rasik mos barak pozitivu, tanba nee sira limite ema para labele hadaet ba ema,” tenik nia.* 

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...