Baucau Deteta Tan Pozitivu 3

BAUCAU, STLNEWS.co – Sentru Integradu Jestaun Krize (SIJK) Munisipiu Baucau durante oras rua nulu resin hat, hahu Segunda feira too Tersa feira deteta tan sidadaun feto nain tolu pozitivu Covid-19.

Informasaun nee hatoo husi Koordenador Teknika SIJK Munisipiu Baucau, Salesiano Pinto Fernandes ba jornalista iha nia knar fatin Tersa nee hateten, entre nain tolu nee nain rua husi Postu Administrativu Quelekai, ema nain ida husi Postu Administrativu Baucau Vila, sidadaun nain tolu pozitivu Covid-19 mesak feto, nain rua deteta iha postu vijilansia tiriloka tanba mai husi area afetadu no nain ida seluk halo kontaktu beseik ba kazu pozitivu neebe anunsia liu ba.

Nia afirma total kazu pozitivu Covid-19 neebe dadaun nee iha sala izolamentu tatto toti no Eis SPK inklui autoizolamentu hamutuk nain lima nulu resin hitu.

“Horseik too mai ohin ita deteta tan kazu nain tolu, husi kazu nain tolu nee feto hotu nain rua nee mai husi area afetadu neebe hetan pozitivu kazu neebe mak ita anunsiu liu ba kontaktu besik ho familia uma laran,” dehan Salesiano.

Salesiano hatutan, total pasiente rekoperadu hahu Marsu too mai iha fim do mes fulan Maiu hamutuk atus ida neen nulu resin tolu no kazu akumulativu husi fulan Marsu too Maiu hamutuk atus rua neen nulu resin hitu.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: