Bebe Nain Ida Pozitivu Iha Izolamentu

DILI, STLNEWS.co – Foin primeira ves iha bebe ida moris mai pozitivu Covid-19. Iha fulan Maiu nia laran, iha bebe 17 mak moris iha sala izolamentu, tanba inan sira pozitivu hotu.

Kestaun nee haktuir husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku Sesta lokraik liu husi nota konferensia imprensa, Sesta (28/05/2021).

“Foin primeira vez bebe ida moris iha izolamentu Vera Cruz pozitivu Covid-19, depois husi bebe 17 nee inan mos positivu hotu,” hatete Rui.

Nia dehan, ekipa vijilansia hafoin halo teste PCR husi inan isin rua nee, inan nee detekta pozitivu ho Cycle Threshold (CT) N2gene 24,9, Egene 24,0.

“Ita hafoin halao test PCR, detekta bebe mos pozitivu ho Cycle Threshold (CT) N2gene 18,2, Egene 14,4,” nia afirma.

Aleinde nee iha izolamentu Vera Cruz halo tratamentu ba kazu nee nain 37, iha obstetrisia nain 15, no medisina interna nain 19, pediatria nain 2, nomos neonatolojia 1, maibe sira nain 15 iha obstetrisia, kategoria leve (mild) hotu.

Nia tenik, husi sira nain 19 iha medisina interna, nain 5 grave no 2 iha ICU uza CPAP, 3 uza oksijéniu, nain 6 moderadu, nain 8 leve (mild), no kazu 2 iha pediatria 1 moderadu, 1 leve (mild).*

Reportajen: Natalina Lopes/Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...
%d bloggers like this: