Brigadeiru Aluc: Covid-19 Dili Sae Makas Tanba Komunidade Lakumpri Regras KO

DILI, STLNEWS.co – Diretor Sentru Integradu Jestaun Krize (SIJK) Brigadeiru Jeneral Joao Miranda “Aluc” konsidera numeru infetadu Covid-19 iha kapital Dili kontinua aumenta makas, tanba populasaun sira seidauk iha konsiensia implementa regras konfinamentu obrigatoriu neebe governu fo sai ona.

Brigadeiru Jenderal Joao Miranda “Aluc” hatoo kestaun nee wainhira hasoru malu ho Primeiru Ministru Taur Matan Ruak iha rezidensia Xefe Governu Farol,Tersa (01/06/2021).

“Kona ba numeru infetadu iha kapital Dili nee ita bele dehan, iha ona transmisaun lokal, ida nee akontese laos SIJK nia sala, maibe nia impaktu husi komunidade rasik la iha konsiensia kontinua halo movimentu hanesan los situasaun normal ida, maske governu aplika konfinamnentu obrigatoriu,” dehan Brigadeiru Aluc wainhira remata enkontru.

Tanba nee nia dehan, maske polisia sensibiliza medida prevensaun ba populasaun sira, maibe populasaun sira kontinua la obdese ba regras konfinamnentu obrigatoriu neebe mak iha.

“Ita nia polisia sira tenta halo sensibilizasaun para sidadaun sira lao tuir regras neebe mak iha, maibe saida mak akontese movimentu ema nia kontinua lao hanesan situasaun normal hela, maibe ida nee ami mos haree katak medida sira neebe dadaun implementa nee seidauk rigor,” katak nia.

Entretantu tuir dadus neebe fo sai husi Ministeriu Saude liu husi pajina Facebook Palasiu das Sinzas katak hahu husi loron 21 Marsu 2020 too 31 Maiu 2021, populasaun neebe infetadu husi moras Covid-19 nee hamutuk 5947.

Husi numeru nee ema nain 3.889 rekuperadu ona, nain 2.043 seidauk, no nain 15 mate.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: