Covid-19 Estudante Balun Menus Estuda

Koordenador Ensinu Baziku Filial (EBF) Fatumeta, Flaviano da Costa de J. Dos Santos. (Foto: STL/Blandina Mauno)

DILI, STLNEWS.co – Timor Leste iha hela situasaun Covid-19, nunee halo estudante balun ladun estuda ho diak.

Koordenador Ensinu Baziku Filial (EBF) Fatumeta, Flaviano da Costa de J. Dos Santos hatete, nuudar responsabel iha eskola nee sempre hamutuk ho profesores sira, hodi fo dalan no vizaun oinsa atu bele hadia alunus sira, liu husi sira nia dezenvolvimentu agora.

Iha tinan hirak liu ba estudante barak sai ona universitariu, kuandu servisu ona no sira agradese teb-tebes, tanba EBF maka sai hanesan feira kakutak atu sai hatenek.

“Dadauk nee ita infrenta hela Covid-19 estudante sira estuda menus liu tan fali desde tempu normal, tanba nee halo 5 anu ho 6 anu balun lee lahatene, entaun hau hamutuk ho profesores sira buka dalan, Sabadu-Sabadu lori alunus sira neebe menus lee no fraku, nunee estudante sira too fulan ida ka rua iha mudansa,” dehan nia ba STL, iha knaar fatin Fatumeta, Dili, Sesta (05/02/2021).

Nia hatutan, nivel kurrikulum neebe mak iha kapas tanba kurrikulum nee rasik lori estudante sira sai motivu, maibe iha mos nia frakeza maka livru sei implimenta ho nivel as oituan hanesan terseiru siklu ba Sekundariu nian.

Tanba tuir nia katak, kada materia uza ho 45 minutus, labele dupla tenki troka malu, maibe nee difisil oituan ba alunus primeiru ho segundu siklu, tanba nee presiza tempu balun hodi hamutuk ho estudante sira, nunee bele haforsa sira nia estudu.*

Reportajen: Blandina Mauno
Editora: Carme Ximenes

LEAVE A REPLY

Please enter your comment!
Please enter your name here