Covid, Timor Oan 5 Labele Ba Korea do Sul

DILI, STLNEWS.co – Traballador Timor oan hamutuk nain 5 labele aranka ba Korea do Sul, tanba infetadu husi pozitivu moras Covid-19.

Tuir Diretor Empregu Exterior, Sekretariu Estadu Formasaun Profesional Empregu (SEFOPE), Filomeno Soares katak, ohin traballador nain 5 labele halo sira nian viajem ba Korea do Sul tanba moras Covid-19.

Nia dehan, SEFOPE prepara traballador Timor oan atu ba nee hamutuk ema 80, no nain 10 prepara fali ba Jullu tanba seat aviaun la too, no tuir lolos ohin 70 mak aranka ba Korea do Sul, maibe nain 5 labele ba tanba kontajiu ho Covid-19.

“Ita hanoin sira nain 70 liu hotu, maibe nain lima failla tanba identifika sira nee pozitivu, entaun sira labele aranka ho sira ida atu ba agora nee, sira neebe ke ohin ba nee hamutuk nain 65,” dehan Diretor Empregu Exterior SEFOPE, Filomeno Soares ba jornalista sira, iha Aeroportu Internasional Nicolau Lobato, Comoro, Sesta (04/06/2021).

Nia dehan, maske ohin traballador nain 5 la konsege ba, sei iha posibilidade atu aranka fila fali ba Korea. “Tanba nee ami sei iha aproximasaun ho Governu Korea hodi koalia ho empregador hodi lori fali sira neebe lakonsege ba, neebe sira nee posibilidade sei ba fila fali”, dehan nia.

Aleinde nee traballador nain 5 neebe pozitivu covid-19, SEFOPE kontaktu kedas ba parte saude hodi lori sira ba iha sala izolamentu neebe Ministeriu Saude prepara ona iha Munispiu Dili.

Entretantu, traballador Timor oan hamutuk nain 65 neebe atu ba Korea do Sul ho aviaun Air Asia.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: