Defisientes 500 Resin Tuir Ona Vasinasaun

DILI, STLNEWS.co – Too ohin loron ema defisientes kuaze 500 mak simu ona vasina, no hirak neebe seidauk, husu para bele tuir hotu programa vasina, para bele hasae imunidade hasoru Covid-19. Kestaun nee hatoo husi Diretor Ezekutivu Asosiasaun Defisiente Timor Leste (ADTL), Cesario da Silva iha Kuarta (23/06/2021).

Nia dehan, ho moras Covid-19 ida nee ema hotu tuir vasina, ho nunee bele hasae imunidade ema ida-idak nian, hodi bele hasoru moras ida nee, tanba tinan ida resin ona, moras ida nee too agora seidauk lakon, tanba nee husu ba maluk defisiente neebe seidauk vasina, diak liu ba tuir vasina para hasae imunidade hasoru moras ida nee.

“Ema ho defisiensia por volta liu ona nain 500 mak simu ona vasina, ami nafatin sosializa ba sira i husu Ministeriu Saude atu tun too baze fo informasaun. ADTL nia staff simu hotu ona vasina, nain 2 deit mak lae, tanba razaun gravida hela. Total staff nain 10 simu hotu ona, Sesta agora simu segundu doze iha ADTL. Ami nafatin husu maluk defisiensia sira tau fiar ba pesoal saude sira no mai ita tuir vasina hodi hasae ita nia imunidade hodi luta hasoru inimigu ida nee, agora dadaun ami nian staff ADTL sira tama servisu full ona, maibe ami utiliza maskra no distansia sosial nafatin aplika,” dehan Cesario ba STL liu husi telefone, Kuarta (23/06/2021).

Iha parte seluk, Diretor Ahisaun, Domingos Tallo Mau dos Santos dehan, ho Covid-19 ida nee, ema barak mak tuir ona vasina, inklui maluk defisientes balun neebe tuir ona vasina, para bele aumenta ou hasae imunidade.

“Ita hein katak, bainhira vasina nee remata, ita nian atividades hotu no sirkulasaun ema nian lao normal hanesan bai-bain, tanba agora komunidade barak mak tuir ona programa vasina ninia,” dehan nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: