Doutor Sergio Lobo, Kondisaun Jeral Iha Mudansa

DILI, STLNEWS.co – Oras nee dadaun doutor Sergio Lobo baixa hela iha sala Izolamentu Vera Cruz loron haat ona, maibe kondisaun jeral ba saude iha ona mudansa ba progresu saude nian, no oras nee dadaun sei kontinua halo tratamentu.

Hatete koordinador Pilar 7 Nilton do Carmo ba jornalista sira iha nia knaar fatin, Segunda (23/08/2021).

Nia dehan, tuir informasaun husi kolega mediku sira iha sala Izolamentu Vera Cruz katak, konaba kondisaun doutor, Sergio Lobo iha dunik ho komorbidade, maibe agora dadaun afeita nee mak ho pozitivu Covid-19 ba nia kondisain rasik.

“Sei ita kompara ho loron inisiu to’o mai iha ohin, hamutuk ba loron haat ona, ita nia observasaunn iha Vera Cruz konaba doutor, Sergio Lobo nian klinikamente husi loron ba loron iha progresu ba ninia saude nee iha mudansa ona,” hatete Nilton.

Nia esplika, tanba iha ona responde ba tratamentu, medikamemtu, tantu responde ba ventilasaun ba iha ventilador nee rasik, tanba nee husi loron ba loron iha progresu, maske neneik maibe iha sinais neebe mak klinikamente iha mudansa ba progresu neebe mak diak.

Nia tenik, konaba atu transfer ba rai liur nee sei iha faze diskusaun, tanba kondisaun jeral agora iha mudansa ona.

Nia esplika, to’o agora mediku sira sei fo tratamentu iha posibilidade, maibe sempre iha posibilidade nomos sei haree ninia progresu, progresu tratamentu mak diak. Karik presiza dunik fasilidade no atendementu neebe mak mais adekuadu, no labele hetan iha sistema saude nian, entaun posibilidade haruka ba rai liur mos diak.

Aleinde nee mos, konaba kondisaun Padre Juvito do Rego neebe oras nee dadaun sei halo tratamentu iha Izoalmentu Lahane.

Nia hatutan, kondisaun Padre Juvito Rego diak ona, tanba bainhira Pedre Juvito deside atu halo auto izolamentu uluk ona, no iha tempu neeba kontaktu mai ekipa izolamentu depois sira ba haree.

“Iha momentu neeba haree katak, presiza dunik observsaun entaun ita  lori nian ba fatin izolamentu Lahane, maibe Grasa Deus, desde inisiu to’o mai agora ita haree kondisaun jeral estabil,” nia afirma.

Entretantu mediku sira neebe fo atendimentu ba pasiente Covid-19 iha izolamentu Vera Cruz iha 45 pesoas, ida nee fahe ba grupu tolu, nomos Lahane iha mediku jeral no infermeiru ba iha medicina interna, hamutuk nain haat.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...