Ekonomia Monu Impaktu Husi Covid-19

DILI, STLNEWS.co – Ekonomia iha mundu inklui Timor Leste monu maka’as tanba impaktu husi Covid-19, tanba ne’e atu halo rekuperasaun mak governu tenke investe maka’as iha setor produtivu sira, ho nune’e bele kontribui reseitas ba kofre estadu no kria mos empregu ba Timor oan sira.

Kestaun ne’e hato’o husi eis Prezidente da Republika no Laureadu Nobel da Paz, José Ramos Horta, bainhira sai orador iha seminariu nasional ne’ebe organiza husi STL iha salaun Pusat Budaya Indonesia (PBI), Kuarta (20/10/2021).

“Mundu tomak inklui Timor hasoru problema hanesan, ekonomia monu tanba Covid halo ema nia atividade labele lao diak, no iha TL setor privadu barak taka sira nia atividade tanba laiha rendimentu, oinsa atu selu nia traballador sira, tanba ne’e obriga kompania barak taka no projetu foun husi governu laiha, susar setor privadu atu hamriik,” dehan Horta.

Nia mos afirma liu tan katak, nasaun barak aproveita situsaun Covid hodi hadia sira nia fatin turismu halo diak, ho nune’e bainhira Covid nee hotu karik bele atrai vizitante sira, tanba ne’e husi ba governu atu investe maka’as iha setor sira ne’ebe bele fo rendimentu mos ba kofre estadu.

Iha parte seluk, Chief Executive Officer (CEO) Banco Nacional de Comercio de Timor Leste (BNCTL), Brigido Sousa, hatutan ekonomia iha nasaun seluk nee tun tanba Covid-19, maibe iha TL ekonomia monu mai kedan husi situsaun politika neebe ladun estavel durante tinan hirak nia laran, no hasoru tan Covid-19 halo ekonomia monu sai aat liu tan.

“Hau hanoin Covid seidauk tama mai, ita nia ekonomia ne’e iha rai laran sente isin manas tiha ona, no Covid-19 mai halo ekonomia sai moras boot, no atu hader mos susar tebes, tanba ne”e husu ba Governu tenke halo investimentu ho nune’e bele kria servisu ba ema hodi rekupera ekonomia iha rai laran.

(len)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...