Ema Estranjeiru Tama Timor Halo Prosesu Teste

DILI, STLNEWS.co – Relasiona ho variante Delta Covid-19 neebe ofisialmente anunsia ba publiku husi Ministra Saude, Odete Maria Freitas Belo no Sentru Integradu Jestaun Krize (SIJK), liu husi Koordenador Forsa Tarefa ba Prevensaun no Mitigasaun Surtu Covid 19 iha Timor Leste, Rui Maria Araujo informa, agora dadaun Timor Leste iha ona Variante Delta Covid-19, neebe iha ona ema nain 4 tama husi Indonezia iha loron 26 Junhu no 8 Julhu 2021, Akademista husu governu hanesan ema estranjeiru tama Timor, tenke halo prosesu teste tuir swab.

“Bazeia ba faktus ofisial nee maka nuudar akademiku iha area saude publika ninian, maka atu rekomenda ba governu hanesan, ema tama mai Timor husi estranjeiru hanesan epidemiolojista tenke iha duvida ka asumsi katak sira lori Covid-19 ho variant Delta. Tula iha ambulancia lori ba fatin izolamentu, hodi halo prosesu teste tuir swab neebe iha. La autoriza halo kontaktu ho ema seluk. No polisia iha fronteira kontrolu makaas no labele autoriza aktividades saida deit. Neebe politika governu tenke konsistensia iha implementasaun ba EE, SS, no KO. Labele fo imajen ba lalaok politika nee ba publiku katak, nee bosok ten tanba aktu politik nain sira nian,” hatete Dekanu Fakuldade Saude Publika UNPAZ, Martinus Nahak Lino ba STL liu husi telefone, Domingo (25/07/2021).

Nia haktuir, rekezitus rekursu aihan ba povu tenke too no sustentavel. Labele homosu povu tara-an tanba hamlaha. Povu mos tenke disiplina nia an ho lalaok no atetude moris saudavel tuir protokolu prevensaun no proteze transmisaun Covid-19 ho variant Delta ba ema seluk.

Nia afirma, populasaun neebe seidauk simu vasinasaun AstraZeneca nee obrigasaun ema idak-idak ho konsensia tomak ba fasilidade neebe determina hodi hetan vasina. Asaun prevensaun, mitigasaun ba Covid-19 ho variant Delta tenke sosializa makaas ba komunidade Timor Laran tomak.

Nia husu ba orgaun hotu-hotu atu labele uza situasaun ida nee, hodi politiza ba objektivu partidariu no halo susar povu.

Vasinasaun ba labarik ida 12-17 anos ho vasina Pfizer tenke halao lalais. No orsamentu subsidiu ba pesoal saude sira no polisia iha frontline tenki aprova no halo pagamentu. Nunee motiva atendementu neebe diak.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: