Familia Matebian Armindo Borges Nain Rua Pozitivu Covid-19 Livre

DILI, STLNEWS.co – Ministra Saude, Odete Maria Freitas Belo hateten familia husi matebian Armindo Borges neebe mate, rezultadu teste PCR hatudu positivu Covid-19, maibe latama iha izolamentu livre hela iha komunidade ninia leet.

Nia dehan, ekipa saude la konsege halo evakuasaun ba sala izolamentu tanba matebian nia fen no oan ida rejeita hodi la simu rezultadu laboratoriu neebe iha.

“Ida nee mak hau tau iha kestaun, nia fen no oan ita husik tanba ita la rona malu. Sala nee atu fo ba se governu ou Ministeriu da Saude nee labele, tanba moras nee pandemia ita hotu tenke kontribui,” hatete Ministra da Saude Odete Maria Freitas Belo ba jornalista sira, iha MS, Kinta (15/04/2021).

Nia esplika, sidadaun nain rua nee hamutuk ho ema grupo boot ida inklui mos lider nasional Kay Rala Xanana Gusmão iha sentru izolamentu Vera Cruz durante loron tolu, no ema barak la uza maskra lori hela virus nee ba mai.

Entretantu, Microbiologista iha Laboratoriu Nasional Saude, Nivio Sarmento dehan, fila fali ba familia sira atu fiar ou la fiar rezultadu teste neebe laboratoriu divulga sai, maibe rezultadu sira nee bazeia ba siensia sentifiku no tekniku neebe adopta iha Timor-Leste ba teste Covid-19 nian.

“Fila fali ba familia sira atu fiar ou la fiar, ami hanesan laboratoriu hasai rezultadu bazea ba siensia neebe iha no tekniku neebe ami iha kompara ho nasaun seluk. Ami halo ona external quality assurance neebe nia kualidade nee komparavel ho nasaun seluk, neebe ami fiar ho ami nia rezultadu,” nia imforma.

Tanba inisiu surtu Covid-19, Timor-Leste adopta teste molekula neebe bolu naran Polymerase Chain Reaction (PCR), neebe mundu tomak uza hodi halo teste ba Covid-19 tanba teste ida neebe sensitivu tebes.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: