Familia Matebian Voluntariamente Hakoi Mate Isin Covid-19

BAUCAU, STLNEWS.co – Familia matebian koopera ho servisu saude Baucau, voluntariamente hakoi mate isin neebe mak mate tanba Covid-19 iha sala izolamentu eis SPK Tirilolo, Baucau iha loron 11 fulan Setembru tinan nee.

Lia hirak nee hato’o husi familia matebian Mateus Varela dos Santos Freitas ba jornalista iha sala izolamentu eis SPK Tirilolo, Segunda nee (13/09/2021).

Nia hatete, hanesan familia matebian prontu koopera ho governu maske ekipa neebe mak atu hakoi mate isin tanba Covid-19 nee iha, maibe dadaun nee ekipa sira iha hotu nasional.

“Ita hotu servisu hamutuk, mate ami labele demora para dodok, diak liu ami voluntariamente fo an para lori nia ba haloot,” dehan Mateus.

Familia matebian nee husu ba  governu atu halo rekrutamentu ba ekipa hakohi mate sira neebe mak mate tanba Covid-19, atu nunee bainhira sidadaun sira neebe mak mate karik, ekipa sira bele ba kee rai  kuak hodi  hakohi mate isin.

Nia afirma, hanesan familia ba situasaun prontu atu koopera ba problema sira nee, maibe ba oin governu lalika halo tan hanesan nee ba ema sira neebe mak mate ba Covid-19.

Aman Kiik matebian nee konta, antes nee mos matebian iha moras hanesan lao labele no asma, nunee matebian nia oan sira lori matebian nee ba halo tratamentu iha Hospital Rejional Eduardo Ximenes (HoREX) Baucau, maibe bainhira matebian nee to’o iha HoREX tuir teste swab hatudu rezultadu pozitivu ba Covid-19, nunee lori fila fali ba sala izolamentu eis SPK Tirilolo to’o iha loron 11 fulan Setembru tinan 2021 matebian nee nia iis kotu.

Iha fatin hanesan, Responsavel Pilar 7 Feronimo Ornai hatete, ekipa neebe mak atu hakoi sidadaun sira neebe mate ba Covid-19 iha Munisipiu Baucau dadaun nee laiha, tanba ekipa hirak nee konsentra hotu iha nasional.

“Kooperasaun laos familia deit, maibe husi SIJK Baucau ami servisu hamutuk ami mos halo brifing ba sira, oinsa mak atu hatais roupa Covid-19 nian,” tenik nia.

Jeronimo garante, familia neebe mak atu tama ba sala izolamentu hodi lori sai mate isin neebe mak mate ho Covid-19, hotu – hotu uza roupa Covid-19 nian neebe mak pesoal saude prepara ba familia matebian.

Matebian nee naran kompletu Gaspar da Costa ho idade 97, tuir planu mate isin sei ba haloot iha matebian nia uma oin, iha Aldeia Uaitunau, Suku Umanaiku, Postu Administrativu Venilale, Munisipiu Baucau.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: