Fasilidade Protesaun Covid-19 Too Timor Leste

Aviaun Militar Royal New Zealand Air Force ho marka NZ7002, tun iha Aeroportu Internasional Nicolau Lobatu, lori fasilidade protesaun Covid-19 neebe apoiu husi governu Nova Zelandia. (Foto: STL/Alberto Menezes)

DILI, STLNEWS.co – Aviaun Militar Royal New Zealand Air Force ho marka NZ7002, tun iha Aeroportu Internasional Nicolau Lobatu, lori fasilidade protesaun Covid-19 neebe apoiu husi governu Nova Zelandia.

Aviaun nee lori ekipamentu hanesan face shieds ho kuantidade 13.500, examination gloves (pair – M, L, XL sizes) ho kuantidade 80.000, hand sanitazer 500 ml bottle ho kuantidade 600, isolation gloves size XXL ho kuantidade 5.750, isolation gloves size XL ho kuantidade 5.750, isolation gloves size L ho kuantidade 5.750, medical masks ho kuantidade 52.000, eye goggles 600, milton antibacterial ho kuantidade 60, infrared thermometer ho kuantidade 150, biohazard waste bags 5.000, swab kids hamutuk 550, soe covers hamutuk 9.000, sharps container 7 (6L) hamutuk 250, no particular respiration hamutuk 9.000.

Tuir Ministra Negosiu Estranjeiru no Kooperasaun (MNEC), Adaljiza Magno hatete, ohin governu Nova Zelandia liu husi embaixador intrega fasilidade prevensaun Covid-19 ba governu Timor Leste.

“Ita mai iha nee atu simu doasaun fasilidade protesaun Covid-19 hanesan maskra, ropa ba protesaun, nomos seluk tan husi governu Nova Zelandia,” dehan MNEC Adaljiza, ba jornalista iha Aeroportu Internasiona Nicolau Lobatu, Dili, Tersa (23/03/2021).

Nia dehan, apoiu neebe governu Nova Zelandia fo nee oportunu tebes, tanba TL dadaun nee hasoru hela situasaun ida neebe komplikadu tebes tanba iha ona transmisaun lokal lubuk ida.

“Ita tenke agradese ba governu Nova Zelandia, tanba prontu apoiu TL iha situasaun saida deit, hanesan dadaun nee ita hasoru hela situasaun pandemia Covid-19,” nia esplika .

Iha Fatin hanesan Embaixador Nova Zelandia ba Timor Leste, Phillip Hewitt hatete, Governu Nova Zelandia senti orgullu tebes, tanba bele sai parseiru ho governu Timor Leste, nunee bele fo apoiu fasilidade protesaun Covid-19 neebe dadaun nee mundu tomak hasoru.

Tanba nee ohin governu Timor Leste liu husi MNEC ho governu Nova Zelandia, anunsia doasaun fasilidade protesaun Covid-19, para TL uza hodi responde ba moras Covid-19,” tenik nia.

Nia dehan, governu Timor Leste husu apoiu ba Nova Zelandia hodi halo kontribuisaun konaba fasilidade protesaun Covid-19. Tanba nee governu Nova Zelandia ho parseiru dezenvolvimentu seluk iha Timor Leste prontu nafatin atu apoiu governu.*

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here