Fatin Izolamentu Tirilolo Prontu Ona

BAUCAU, STLNEWS.co – Fatin izolamentu iha Suku Tirilolo, Postu Administrativu Baucau Vila, Munisipiu Baucau, neebe halo reabilitasaun husi governu Australia prontu ona, hodi akumula pasiente neebe mak afetadu pozitivu Covid-19.

“Agradese ba ita nia parseiru doador sira hanesan Australia servisu hamutuk ho Forsa Defesa Australia nian, ikus mai ita bele hetan fatin ida atu bele akumula ita nia pasiente sira neebe ita rejista hanesan sofre Covid-19 ou moras Covid-19 ida nee,” dehan Ministra Saude, Maria Odete Freitas Belo liu husi nia diskursu, wainhira inagura sala izolamentu iha Suku Tirilolo, Postu Administrativu Baucau Vila, Munisipiu Baucau, Tersa (18/05/2021).

Nia hateten, governu Timor Leste servisu hamutuk ho governu Australia, laos husi asaun konstrusaun nee deit, maibe antes nee governu TL iha ona kooperasaun lubuk ida liu husi workshop sira.

Odete afirma, wainhira moras Covid-19 nee akontese, servisu hamutuk sei metin liu tan, tanba ekipamentus neebe mak falta ba protesaun Covid-19 nian, ajuda mos husi doadores ho parseiru sira hanesan maskra, roupa atendimentu ba pasiente sira, no sasan neebe mak uza hodi halo servisu ba IPC nian.

Iha fatin hanesan Adjuntu Embaixador Australia, Philippa Venning hateten, Australia orgullu tebes atu apoiu TL nia resposta ba situasaun Covid-19, importantemente liu husi fornesementu vasina no tuir mos projetu ida nee.

“Projetu ida nee demonstra ona oinsa parseiru barak bele servisu hamutuk hodi alkansa rezultadu diak sira iha tempo badak, hanesan ita boot sira hatene konstrusaun ida nee kompleta iha deit semana haat nia laran, tanba koordenasaun entre Ministra da Saude, F-FDTL, Embaixada Australia, no mos ONG sira,” tenik Adjuntu Embaixador Australia nee.

Nia hateten, fasilidade izolamentu neebe mak entrega husi governu Australia ba Ministra Saude bele akumula pasiente hamutuk neen nulu (60), hodi bele ajuda provokasaun Covid-19 ba komunidade iha Munisipiu Baucau nian.

Philippa afirma liutan, projetu nee inisia husi engineiru Ministra Saude nian antes entrega ba F-FDTL, hodi finaliza nia dezenu no jere nia renovasaun.

Nia hatutan, fasilidade nee hanesan exemplu ida oinsa F-FDTL servisu atu apoiu nasaun hodi hasoru Covid-19, tanba pandemia laos hanesan dezafius bain bain ba forsa militar ida.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: