Funsionariu 25 Ho Membru PN 1 Pozitivu Covid-19

DILI, STLNEWS.co – Husi rezultadu teste swab neebe halao iha Parlamentu Nasional, deteta funsionariu nain 25 ho membru Parlamentu Nasional (PN) nain 1 pozitivu Covid-19.

Tuir Mediku Jeral iha Parlamentu Nasional, Arcino da Silva katak, husi rezultadu teste swab neebe halo iha PN durante loron 2 iha 24 Maiu ho 25 Maiu mak nia rezultadu husi teste swab deteta ema nain 26 pozitivu Covid-19.

“Iha dia 24 halo teste ba funsionariu sira mak deteta nain 16 pozitivu, depois iha fali dia 25 halo teste swab ba deputadu sira inklui ho funsionariu mak deteta tan nain 10 pozitivu, tanba nee hamutuk nain 26 husi funsionariu 25 ho deputada nain 1,” dehan nia ba jornalista sira iha PN, Kinta (27/05/2021).

Nia dehan, horisehik desloka hotu sira ba ona iha fatin izolamentu, maibe iha nain 4 maka halo auto izolamentu domisiliar iha uma deit mak hanesan Deputada Olinda, asesor malae nain 2 ho nain 1 deputada nia oan, no sira seluk ba iha fatin izolamentu neebe Sentru Integradu Jestaun Krize (SIJK) prepara ona.

Tanba nee balu tau iha Novo Horizonte nain 15 mak iha neeba, i sira seluk lori ba iha Fortuna, maibe ohin dehan fali atu muda hotu sira ba iha izolamentu Leokase ho rajaun atu funsionariu Parlamentu nian tau hamutuk iha fatin ida deit para fasil atu halo kontrola ba sira.*

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: