Funsionariu HNGV 116 Pozitivu Covid-19

DILI, STLNEWS.co – Oras nee dadaun funsionariu sira neebe fo atendementu saude ba pasiente sira iha Hospital Nasional Guido Valadares (HNGV) hamutuk nain 116 konfirmadu pozitivu Covid-19.

Kestaun nee informa husi Diretor Ezekutivu HNGV, Alito Sores, hatete ba jornalista sira iha nia knar fatin HNGV, Tersa (24/08/2021).

Nia dehan, total funsionariu HNGV neebe konfirmadu pozitivu Covid-19 hamutuk 116, husi numeru sira nee maioria infermeiru, infermeira, nomos mediku.

“Ita nian funsionariu iha HNGV nain 116 mak pozitivu iha infermeriu no infermeira nain 53, no mediku 26, ida seluk nee iha parteira, farmasia, lojistik, cleaner, bagian oksijeniu nian, balun adiministrasaun nian,” hatete Alito.

Nia esplika, husi numeru nee balun iha iha sala izolamentu neebe governu prepara, nomos balun auto izolamentu iha uma, sira nian kondisaun diak, la presiza apoiu oksijeniu (pozitivu hela, maibe kondisaun jeral nian diak).

“Hau atu dehan deit katak, staf iha HNGV pozitivu Covid-19 hamutuk 116, ami nia staf sira nee iha HNGV nee maioria vasina hotu, maibe atu hatene klean liu ita boot sira haree ba dadaus nee, sira balun vasina primeiru doze ka segundo doze,” dehan Alito.

Nia tenik, ho situasaun ida nee afeita tebes ba atendementu iha HNGV, tanba nee konsellu ho ekipa sira nia hanoin atu halo rekrutamentu, para bele fo apoiu ba servisu atendementu iha HNGV.

Tanba nee oinsa atu rezolve problema HNGV buka meius oinsa para atu bele hadia, tanba nee loke vaga ba publiku para infermeiru sira bele mai apply fila-fali, sira neebe disponivel hakarak mai kontratu, bele halo integra iha ekipa nian laran halo treinamentu perepara sira antes sira ba atende pasiente.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: