Governu Implementa SS No KO, Komunidade Tenke Obedese

BAUCAU, STLNEWS.co – Diretor Caritas Baucau, Padre Mario de Carvalho Soares hatete, munisipiu neebe mak governu implementa Serka Sanitaria (SS) no Konfinamentu Obrigatoriu (KO) komunidade tenke obedese.

Lia hirak nee Padre Mario de Carvalho Soares hatete, ba STL iha nia rezidensia Centro Feto Haburas Desenvolvimentu (CFHD), Planaltu Baucau, Sesta (27/08/2021).

Nia hateten, Serka Sanitaria (SS) neebe mak governu aplika iha Munisipiu Baucau no ba munisipiu seluk, hanesan kestaun ida neebe kazu pozitivu Covid-19 alarga makaas, nunee estadu deside aplika Serka Sanitaria ba nivel munisipiu tenke obedese.

“Estadu deside aplika SS ba nivel munisipiu komunidade tenke obedese, tanba ita mos tenke kontribui mos ba infesaun Covid-19,” dehan nia.

Governu aplika Serka Sanitaria iha nivel munsipiu, tuir Amu Pe. Mario nia hanoin, nee la duun fo impaktu ba nesesidade ema nian, tanba bele halo sirkulasaun iha munisipiu laran, maibe labele halo sirkulasaun mak husi munispiu ida ba munisipiu seluk, maibe hanesan implementa Konfinamentu Obrigatori (KO) mak foin fo impaktu boot ba komunidade nia nesesidade.

Nunee mos Amu Pe. mario hatutan, governu tenke implementa duni konfinamentu iha Dili, tanba kada loron, kazu pozitivu Covid-19 no ema mate mos aumenta makaas.

Implementa KO diak liu, atu nunee minimiza ema nia movimentu, tanba husik ema livre halo movimentu halo transmisaun la kleur tan nasaun Timor Leste bele hasoru problema boot.

Iha fatin seluk, negosiante ambulante Vila Nova, Amandio Ximenes mos aseita ho governu nia politika neebe mak implementa Serka sanitaria no Konfinamentu Obrigagorio.

“Hanesan sidadaun hau kontribui ba governu nia programa, tanba ita haree mos kada loron pozitivu sempre aumenta,” katak Amandio

Nia hatutan, diak liu kontribui agora neebe mak kazu seidauk sae makaas hanesan iha nasaun seluk, tanba antes nee mos iha nasaun seluk, ema nia sidadaun lakohi kontribui ho diak ikus mai kazu sae makaas too satan labele.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: