Governu Laiha Kapasidade Responde Nesesidade Povu

akademista atual Vise Reitor III UNDIL, Hugo Lourenco. (Foto: Espesial)

DILI, STLNEWS.co – Durante situasaun serka sanitaria, governu laiha kapasidade atu responde nesesidade ekonomiku ba povu aileba.

Vise Reitor III Universidade Dili (UNDIL), Hugo Lourenco da Costa afirma, bainhira corona virus mosu iha rai laran, governu uza moras nee hodi sai instrumentu politiku, hodi sakrifisu povu no nasaun ida nee.

“Durante situasaun serka sanitaria neebe governu aplika iha rai laran, ita nia governu la iha kapasidade atu responde nesesidade ekonomia ba ita nia povu aileba sira.” dehan Hugo ba STL liu husi telefone, Sesta (26/03/2021).

Nia dehan, sei moras pandemia Covid-19 la iha, governu labele politiza moras ida nee hodi sai fali projeitu, tanba durante nee, moras corona virus la iha, governu bele fo medida nafatin ba sidadaun sira bele kontrola atu mantein distansia sosial tuir regras neebe mak aplika husi Ministeriu Saude, maibe labele bandu ema atu servisu ba vida ekonomia.

“Agora Covid-19 laiha, sei karik iha ita mate ona iha inisiu EE primeira faze, hahu kedas iha 2020, laos agora, se mak sai risku mediku, neebe akontese iha nasaun tomak iha mundu, medikus mak sai vitima liu ona Covid-19, tanba nee mak hau dehan corona iha Timor nee la iha,” dehan nia.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here