Horta Konkorda Desizaun Governu, Vasina Dala Rua Bele Movimentu Livre

DILI, STLNEWS.co – Premiadu Nobel da Paz, Jose Ramos Horta konkorda ho desizaun governu neebe informa husi Primeiru Ministru katak, sidadaun neebe simu vasina dala rua, bele halo movimentu livre iha teritoriu laran, la presiza teste tan swab.

Kestaun nee Ramos Horta hatoo, wainhira hasoru malu ho Primeiru Ministru Taur Matan Ruak iha rezidensia xefe governu, Farol, Dili, Tersa nee (01/06/2021).

“Hau mai hasoru Primeiru Ministru Taur Matan Ruak no mos Ministru Prezidensia Konsellu Ministru (MPKM) Fidelis Leite Magalhães koalia kona ba planu vasinasaun iha Timor Leste, tanba iha semana hirak nee nia laran hau ajuda governu koalia ho nasaun amigu sira para oinsa mobiliza apoiu vasina barak liu tan mai iha TL, nunee utiliza hodi prevene pandemia Covid-19 nee iha populasaun nia leet,” dehan Horta.

Timor Leste tuir Horta tenke aselera lalais vasina nee tanba dadaun nee iha nasaun India, Nepal, Malaysia no dadaun nee iha Malaysia pior liu tan tama too ona iha Thailandia, tanba nee presiza aselera lalais vasina nee para bele prevene populasaun sira husi moras Covid-19 nee.

Eis Prezidente Republika nee apresia tebes ho serbsiu husi Ministeriu sira, tanba loron ida konsege vasina ema besik rihun lima.

“Hau kontente tebes ho medikus sira neebe halo vasinasaun ba populasaun sira, tanba loron ida sira konsege fo vasina ba populasaun to rihun 4 resin kada loron, signifika iha tempu badak nia laran bele vasina too 80% populasaun,” dehan eis PR nee.

Nia hatutan, la iha dalan seluk atu prevene an husi moras Covid-19 neee, dalan uniku mak ema hotu tenki simu vasina, no kontinua implementa medida prevensaun sira hanesan uza maskra, distansiamentu sosial no fase liman bebeik winhira asesu ba fatin publiku sira.

“Hau kolia ba Primeiru Ministru katak, hau konkorda tebes ho desizaun Primeiru Ministru nian katak populasaun neebe mak simu ona vasina dala rua bele halo viajen avontande iha teritoriu nasional, hau fiar Governu halo desizaun nee la arbiru, i hau fiar katak iha rai ida nee, la iha ema ida akompania situasaun pandemia nee, nia siensias liu fali hau,” dehan nia.

Horta dehan, nia komunika ona ho sientista sira neebe dadaun nee iha nasaun Israel, Alemanha, neebe estuda barak kona ba moras Covid-19 nee ho variante oin-oin, la iha vasina ida mak bele proteje ema ida 100%, hanesan AstraZeneca no sira seluk tan neebe dadaun nee iha. Maibe vasina sira nee bele proteje too 90% husi infensaun moras Covid-19 nee hanesan wainhira moras ne kona ema sei la grave ida.

Maske nunee nia husu ba populasaun sira neebe simu ona vasina nee diak liu tau nafatin maskra, mantein distansiamentu sosial, fase liman bebeik wainhira asesu ba fatin publiku sira, nunee bele kombate lalais moras Covid-19 nee iha TL.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: