Identifika Ona Variante Delta, Transporte Balu Tama Sai Fronteira

DILI, STLNEWS.co – Timor-Leste indetifika ona Variante Delta foun, maibe iha fronteira Maliana Atambua, transporte balu trama sai livre.

Kestaun nee hatoo husi Deputadu Bankada CNRT, Patrocino Fernandes ba STL, iha PN, Dili, Kuarta (21/07/2021).

“Agora dehan katak Timor identifika ona variante delta foun nee, informasaun media sira mos fo sai ona, maibe iha fronteira Maliana, kareta ho plat DH nee tama sai livre ida nee, tanba governu mak hakarak duni atu lori virus nee mai,” katak Patrocino ba STL, Kuarta (21/07/2021) iha PN.

Nia dehan, variante delta ho virus saida deit, nee laos produtu lokal, variante sira hotu nee importadu hotu kedas. Sira bain-bain dehan katak governu nee se iha seriedade hanoin katak atu kombate moras covid nee hanesan fulan hirak neebe Timor haosoru nee sei lakonsege sae, maibe numeru covid nee sae tanba antes nee ajente estadu balu ba halo panyambutan husi rai liur lori mai.

Nunee mos iha parte seluk, Inocencio de Jesus Xavier, hanesan Ofisial Ligasaun Institusional AJAR hatete, agora dadaun dehan identifika ona kazu variante delta nee tama ona TL, i halo komparasaun katak, haree ba variante foun nee halo transmisaun lais liu.

Tanba dehan katak variante delta nee transmisaun lais liu, se nunee pasiente ida bee tama mai nee, too agora multiplika husi Abril mai too Jullu nia laran kontamina ona ema hira. Tanba nee Governu tenke seriu atu haree atu tau atensaun ba prevensaun virus sira nee.*

Reportajen: Guilhermina Franco / Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: