Igreja Maria Auxiliadora Selebra Misa Kumpri Protokolu Covid-19

Igreja Parokia Maria Auxiliadora Comoro, ohin hahu fila fali selebrasaun misa hamutuk ho sarani sira, no kumpri nafatin protokolu ba prevensaun surtu Covid-19 neebe Ministeiru Saude fo. (Foto: STL/Domingas Soares)

DILI, STLNEWS.co – Igreja Parokia Maria Auxiliadora Comoro, ohin hahu fila fali selebrasaun misa hamutuk ho sarani sira, no kumpri nafatin protokolu ba prevensaun surtu Covid-19 neebe Ministeiru Saude fo.

Tuir Amo Parokia Igreja Maria Auxiliadora Comoro, João Roque, dehan husu ba sarani sira atu nafatin kumpri regras neebe Organizasaun Mundial Saude fo liu husi Ministeiru Saude, atu halo prevensaun ba moras Covid-19.

“Hau husu ba sarani bainhira atu tama mai iha portaun igreja, iha oin bee prepara ona iha neeba, tanba nee husu ba sarani sira tenke fase liman molok tama mai igreja laran, atu tuur tuir regra distansia neebe maka tau ona iha kadeira i husu atu ita hotu uza maskra hodi ita hotu nafatin halo prevensaun ba moras nee,” esplika Amo Parokia ba sarani sira antes hahu selebrasaun misa Iha Igreja, Domingu (24/01/2021).

Afirma Amo Parokia, tanba nee husu ba sarani sira hotu atu nafatin kumpri regras neebe iha maka hanesan fase liman, uza maskra no tuur tenke ho distasnsia ba malu, tuir regras neebe maka taka ona iha kadeira sira.

Bibi atan nee dehan, misa hahu fila fali ho orariu neebe hanesan uluk, Domingu halo selebrasaun misa dala 4 hanesan bai-bain, lnomos atu fo hatene l ba sarani sira katak, misa dader ba loron bain-bain husi Segunda feira too Sabadu iha misa dader nomos lokraik, tanba nee dader iha tuku 7, no lokraik iha tuku 6.

Alende nee, tuir observasaun jornalista STL, sarani sira tuir selebrasaun misa kumpri duni regras neebe maka iha, hanesan molok sarani sira tama ba Igreja sarani sira fase liman no uza maskra, nomos iha Igreja laran kadeira sira taka stiker ka fo marka kada sarani ema nain 2 tuur iha kadeira ida ho distansia neebe dook ba malu.

Nunee mos bainhra too atu sarani sira simu kominaun, sarani sira forma tuir lina garis neebe marka ona ho distansia, neebe atu halo prevensaun ba moras surtu Covid-19.

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here