Izolamentu Golgota La iha Kontrolu, Pasiente Balun Hemu Tua

DILI, STLNEWS.co – Fatin izolamentu iha Golgota, neebe mak halo izolamentu ba pasiente Covid-19, falta kontrolu ka laiha kontrolu husi parte relevante, tanba pasiente balun hemu fali tua iha izolamentu laran, no atendimentu ba pasiente sira ladun diak.

Tuir pasiente ho naran inisial IL hatete, atendimentu ba sira iha fatin nee ladun diak, tanba fatin nee la halo dezinfekta ba pasiente sira nia toba fatin no seluk tan. Hahan neebe iha sira la fo tuir orderan, tuir lolos menu nee troka netik, liu – liu ba pasiente sira neebe moras hipertensaun. Laos nee deit maibe hena hamos rai nian mos hadau malu, tanba iha ida deit.

“liu – liu hanesan hau hipertensaun la han naan, loron – loron han deit mak mostarda daan ho senoura. Aifuan neebe iha loron – loron mak sabraka no masan husi supermerkadu nian deit. Tuir los situasaun hanesan nee governu tenke ba sosa produtu lokal povu nian, tanba povu kiik presiza los osan iha situasaun hanesan nee. Hahan ba hipertasaun sira mak hahan ladun diak,” dehan nia ba STL liu husi WhatsApp, Tersa nee (31/08/2021).

Nia dehan, pior liutan horikalan iha pasiente mane no feto balun hemu tua iha fatin nee, maibe laiha ema atu mai kontrola. Polisia mai duni iha nee dehan atu sulan sira 72 oras. Ida nee akontese tanba parte seguransa la kontrola.

“Horikalan iha pasiente mane no feto balun hemu tua iha fatin nee, maibe laiha ema mak kontrola. Polisia mai duni iha nee dehan, atu sulan sira 72 oras. Ida nee akontese tanba laiha kontrola husi parte relevante, sira manan osan maibe la halao dever nee,” tenik nia.

Nia hatutan, kona ba toba fatin iha izolamentu nee butuk malu deit, kuartu ida tau ema nain 16 mak hamutuk, laiha distansiamentu. Nia tama iha fatin izolamentu nee loron haat ona, maibe to’o ohin loron laiha ema ida mak mai dezinfekta fatin nee, liu – liu iha kuartu laran neebe nia ho pasiente sira seluk toba ba.

Iha parte seluk Koordenador Pilar 7 husi Sentru Integradu Jestaun Krize (SIJK) Doutor Nilton Do Carmo Da Silva hatete, iha Hotel Eternite no Hotel Golgota akumula ema barak, mediku sira dala barak sempre fo hanoin ba pasiente sira tenke konsensia kumpre regra para rekopera lalais. Mediku sira iha izolamentu sempre fo informasaun hela deit ba pasiente sira oinsa atu hakmatek, maibe pasiente sira mak laiha konsensia.

“Ba maluk sira neebe mak iha Hotel Eternite nomos Hotel Golgota neebe mak ema barak, dala barak ami sempre fo hanoin ida nee mak ami bele halo, tanba nee konsensia ita nia maluk sira nia mak importante,” dehan nia.

Nia parte husu konsensia husi pasiente sira atu kolabora ho parte saude, atu nunee fo toleransia mos ba ema seluk atu deskansa.*

Reportajen: Domingas Gomes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: