Jornalista Destakadu PR Nain 2 Pozitivu Covid-19

DILI,STLNEWS.co – Jornalista nain 2 neebe durante nee destakadu iha Palasiu Prezidensial Nicolau Lobato, Dili, pozitivu Covid-19, hafoin halao Swab iha semana kotuk.

Tuir jornalista inisial CV katak, loos duni rezultadu swab neebe halo iha palasiu nee obrigatoriu tenke tuir, maibe nia lamenta tanba jornalista neebe sai ba Munisipiu Same no Ainaro balun la swab no nia neebe mak la ba swab fali.

Nia dehan, tuir Xefe Kasa Sivil katak, palasiu halo swab tanba foin lalais funsionariu husi Palasiu Prezidente halo viajen ba Same no Ainaro, no iha Same mediku sira pozitivu Covid-19, tanba nee mak halo swab, maibe nia la ba munisipiu swab no jornalista balun neebe mak ba munisipiu la halo swab ida nee mak halo nia sai konfuzaun.

“Entaun iha momentu neeba hau mos bead iha PR, bainhira hetan ajenda husi grupu PR katak, iha ajenda reuniaun KSDS-KE, entaun hau mos ba PR, to’o iha neeba seguransa sira dehan atu tama ba laran tenke tuir teste swab, tanba nee hau swab,” katak nia ba STL, Kinta (26/08/2021). 

Nia hatutan durante nee nia la halo viajen ba iha munisipiu no halo kobertura deit iha Palasiu Prezidente ho sosiedade sivil, no nia mos laiha sintomas ruma hanesan inus metin, mear, ka isin manas ruma.

“Hau nia kondisaun durante nee diak hela, no durante nee hau mos la sai ba munisipiu ruma, tanba hau nia bead durante nee destakadu deit iha Prezidensia Repblika no mos sosiedade sivil, depois hau iha uma kost mos, hau laiha kontaktu ho ema seluk,” katak nia.

Nunee mos jornalista inisial JS hatutan, to’o agora nia kondisaun diak hela hanesan babain la iha sintomas ruma.

“Hau nia kondisaun durante nee hau sente diak hela no estavel hela, hau nunka iha sintomas ruma atu mear, isin manas, ka ulun moras oituan mos hau nunka enfrenta, maibe ho rezultadu teste swab obrigatoriu nee mak hau pozitivu fali, maibe hau nia kondisaun saude diak hela,” katak nia.

Nia hatutan momentu halo teste swab iha loron Segunda feira nee, no rezultadu sira fo sai iha Kuarta nee, maibe iha Kuarta nee parte husi mediku sira seidauk foti nia, no ohin Kinta nee mak, husi Palasiu PR nian, hein palasiu atu ba karantina, no oras nee dadaun iha hela karantina Fatuhada hodi halo izolamentu. 

Antes nee mos Xefe Kasa Sivil Prezidensia Republika, Francisco Maria de Vasconcelos hatete, palasiu halo swab ba funsionariu sira iha Palasiu Prezidensial, tanba iha loron hirak liu ba halo viajen ba munisipiu rua Same no Ainaro, no fila, iha funsionariu balun pozitivu, tanba nee mak atu prevene labele daet, sira realiza swab ba funsionariu sira.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: