Kanta Knanuk Furak Hamaluk, Fen-Laen Ba Simiteriu Covid-19

HALOT MATE ISIN - Ekipa vuneravel mate isin pasiente Covid-19 Distrik Belu halot mate isin Magdalena Luan iha Simeteriu Covid-19 iha Masmae, Suku Tukuneno, Postu Administrativu Tasifeto Oeste, Distrik Belu, Sabadu (13/2/2021). [Foto: Espesial)

ATAMBUA, STLNEWS.co – Situasaun tristeza hamaluk familia Domi Luan ho nia espoza Nika iha Atambua, Distrik Belu. Oan feto Magdalena Luan (Lin Luan) ho nia laen Epy Dewa mate iha loron rua tuir malu iha sala izolamentu Hospital Gabriel Manek Atambua, kauza hosi covid-19.

Antes tama sala izolamentu Lin Luan ho nia laen Epy Dewa sei kanta hamutuk knanuk furak ho lian ingles. Afinal, virus corona mos tama dadaun sira nia isin no fo ameasa ba sira nia moris.

Iha loron Tersa (9/2/2021), Epy Dewa hakotu iss iha sala izolamentu Hospital Gabriel Manek Atambua no iha loron Sesta (12/2/2021) tuir kedas nia espoza Lin Luan iha hospital refere.

Mate isin fen-laen ne’e hakoi iha simiteriu Covid-19 iha Masmae, Suku Tukuneno, Postu Administrativu Tasifeto Oeste, Distrik Belu.

Direitur Dinas PUPR nomos Koordenador Komisaun Prevensaun Covid-19 ba Assuntu Vuneravel mate isin Covid-19 Distrik Belu, Vincent K. Laka ba diariu nee hateten, aleim de mate isin fen-laen Covid-19, iha semana nee nia ekipa vuneravel mate isin Covid-19 hakoi ona ema nain lima (5) iha Masmae.

Tuir Vincent Laka, total mate isin Covid-19 neebe hakoi iha simiteriu Covid-19 iha Masmae hamutuk ema nain 17 neebe mate iha Hospital Gabriel Manek Atambua no nain haat seluk hakoi iha simiteriu familia. Total ema mate kauza Covid-19 iha Belu hamutuk 21.

Nia mos hateten katak iha Sabadu (13/2/2021) ekipa vuneravel mate isin Covid-19 senti la seguru tamba familia matebian barak mak partisipa prosesu vuneravel mate isin iha Masmae no barak latuir protokulu saude covid-19.

“Ami nia ekipa uza kompletu ekipamentu Covid-19, maibe familia matebian la uza ekipamentu APD (Alat Pelindung Diri). Ida nee risku boot hamosu klaster foun,” katak Vincent Laka.

Atu kombate no hakotu korenti Covid-19 neebe naklekar iha Distrik Belu, Vincent Laka husu familia matebian neebe akompania prosesu vuneravel mate isin Covid-19 atu kumpre protokulu saude no husu mos ba seguransa hosi polisia atu akompania iha prosesu vuneravel mate isin Covid-19 iha Masmae, Suku Tukuneno, Postu Administrativu Tasifeto Oeste, Distrik Belu.

Entretantu, Adriana Luan alin hosi matebian Lin Luan hateten fen-laen neebe mate kauza Covid-19 husik hela oan feto ida ho tinan 15.

Entretantu, Porta Voz Komisaun Prevensaun Covid-19 Distrik Belu, Cristoforus M. Loe Mau, informa katak rezultadu monitorizasaun iha 17 klinika iha 12 postu administrativu iha Belu hatudu katak total teste rapid antigen ho rezultadu pozitivu 418, no total swab 816 ho rezultadu 581 negativu, 206 hein rezultadu. Pasiente konfirmadu nain 3 sei hela iha sala izolamentu Hospital Gabriel Manek Atambua.

Atu kombate no hakotu korente Covid-19 iha Distrik Belu, Administrador Distrik Belu, Willybrodus Lay husu ba sidadaun tomak iha Distrik Belu atu kumpre protokulu saude hanesan uza maskara, fase liman beibeik ho sabaun, uza hand sanitizer, asegura distansia social, la bele halibur malu.

Ba sira neebe halao viajem iha distrik seluk, liu-liu distrik neebe kategoria zona mean bainhira fila fali mai tenke fo hatene komisaun prevensaun Covid-19 ou liu hosi call center 081238654568 nebe ativu 24 horas, nunee komisaun bele orienta atu halao kuarentena mandiri atu asegura nia an rasik, asegura familia no ema hotu hosi covid-19.*

Reportajen: Mikael Mali Mau
Editor: Crisogono Magalhães

LEAVE A REPLY

Please enter your comment!
Please enter your name here