Kazu Covid-19 Aumenta

Kazu Covid-19 iha Timor Leste aumetan tan ema nian haat (4) neebe positivu, ho nunee ema nain 13 mak hetan Covid-19. (Foto: GSE)

DILI, STLNEWS.co – Kazu Covid-19 iha Timor Leste aumetan tan ema nian haat (4) neebe positivu, ho nunee ema nain 13 mak hetan Covid-19.

Koordenadora ekipa Covid-19, MdS Odete da Silva hatete, husi pasiente positivu Covid-19 nee ema nian tolu halo hela tratamentu saude, iha sala izolamentu Rejiaun Administrativu Espesial Oecusse Ambeno (RAEOA) no nain 10 iha sala izolamentu Sentru saude Vera Cruz (SSVC).

“Dahuluk mane ida ho idade 26, hatudu sintomas ho isin manas 38,6 grau, isin moras no kolen, mane ida ho idade 35, laiha sintomas ruma,” hatete Odete ba jornalista sira, liu husi konferensia imprensa iha salaun MS, Caicoli Dili, Segunda (28/12/2020).

Nia esplika, pasiente mane ida ho tinan 42 laiha sintomas no sira nia viajen husi UK iha loron 20 fulan Dezembru ho Qatar Airlines too iha Doha, depois transit husi Doha ba Malazia iha data hanesan ho Qatar Airlines no too iha Malazia iha 21 Dezembru tuku 24:00 oras Malazia.

Governante nee dehan, durante too iha Malazia pasiente hirak nee toba deit iha aeroportu Malazia mai TL ho aviaun AirAsia, no pasiente dahaat nee sidadaun Pakistaun ida ho tinan 33, iha sintomas.

“Ema Pakistaun nee halo viajen husi Pakistaun ba Doha ho Qatar Airlines, no kontinua ho aviaun hanesan mai malazia iha loron 21 fulan Dezembru no mai Dili ho aviaun AirAsia iha loron 22 Dzembru 2020,” nia afirma.

Nia tenik, loron 22 fulan Dezembru 2020, aviaun AirAsia kansela viajen, entaun Timor oan nain tolu husi Malazia mai Dili, tanba detekta ona moras corona virus no laiha dukumentus teste Polymerase Chain Reaction (PCR).

Nia mos dehan, kona ba Timoroan ida neebe konfirmadu Covid-19 iha Malazia, dadaun nee izola ona iha fatin izolamentu nasaun neeba nian.

“Dadaun nee izola hela iha izolamentu Malazia nian no nain rua seluk neebe laiha dukumentus, husi teste PCR nian iha mumentu neeba deside kansela viajen ba kazu positivu nee no hirak neebe laiha dukumentus rezultadu PCR, tanba nee Timoroan nain tolu mak iha hela malaizia iha loron 22 Dezembru ida nee,” nia esplika.

Tuir dadaus neebe STL asesu iha terenu, numeru teste ba Covid-19 16.324, hein rezultadu 297, total komulativu kazu 44, rekuperadu 31, aumeta nain haat, hamutuk 35, no kazu ativu 13, kazu foun haat, rezultadu negative 15.886.

Total kuarentena obrigatoriu hamutuk 349, iha Dili 279, munisipiu 70, auto kuarentena hamutuk 136, iha Dili 129, munisipiu 7, passa kuarentena 14 hamutuk 6.813, iha Dili 1.641, munisipiu 1.172.*

Reportajen: Jeniche da Costa
Editora: Carme Ximenes

LEAVE A REPLY

Please enter your comment!
Please enter your name here