Kazu Covid-19 Iha TTU-Belu Tun

HALOT MATE ISIN-Ekipa vuneravel mate isin Covid-19 Distrik Belu halot mate isin Covid-19 ho seksu mane neebe mate iha Hospital Gabriel Manek Atambua iha Simiteriu Covid-19 iha Masmae, Suku Tuku Neno, Postu Administrativu Tasifeto Oeste, Distrik Belu, Segunda (8/2/2021). [Foto: Espesial)

ATAMBUA, STLNEWS.co – Komisaun prevensaun Covid-19 Provinsia NTT (Nusa Tenggara Timur) fosai rilis seminal iha Tersa (9/2/2021) hatudu katak hosi 30 Janeiru-6 Fevereiru 2021, distrik 4 hosi 22 distrik iha NTT laiha kazu foun, hanesan TTU, Belu, Sumba Tengah no Flores Timur.

Tuir rilis Komisaun Prevensaun Covid-19 NTT, nomeru kazu iha 18 distrik iha semana ida nia laran sae makaas to’o 1.220 kazu foun no barak liu iha Kupang Kapital 492, Sikka 159. Sumba Timur 106, Distrik Kupang 92, Ende 64, Manggarai Timur 63, TTS 57, Sabu Raijua 50, Manggarai Barat 50, Nagada 19, Nage Keo 17, Sumba Barat 14, Malaka 13, Lembata 13, Rote 4, Alor 4, Sumba Barat Daya 2 no Manggarai 1.

Dadus Komisaun Covid-19 NTT mos hatudu katak hosi 24-30 Janeiru 2021 iha kazu 735 tun hosi semana ida kotuk 878 kazu. Ho nunee, nomeru kazu covid-19 sae to’o 39,75 %. Nomeru kazu barak liu iha Kupang Kapital 22,76% hosi semana ida kotuk 380.

Iha semana ida nia laran hosi 30 Janeiru-6 Fevereiru 2021, kazu pasiente rekuperadu hamutuk 778. Kazu pasiente rekuperadu sae makaas hosi 23-30 Janeiru 2021, pasiente rekuperadu 442 hosi semana ida kotuk 338 pasiente rekuperadu (43,18%). Kazu pasiente rekuperadu barak liu iha Kupang Kapital 277.

Komisaun Covid-19 NTT mos fosai rilis katak iha semana ida nia laran hosi 31 Janeiru to’o 6 Fevereiru 2021, kazu ema mate kauza hosi covid-19 hamutuk 15 (50%), semana ida kotuk kazu ema mate 34 no barak liu iha Kupang Kapital.

Entretantu, Komisaun Prevensaun Covid-19 iha Distrik Belu informa katak iha semana ida nia laran hosi 31 Janeiru to’o 6 Fevereiru 2021 laiha kazu foun. Maske nune’e, iha loron Segunda (8/2/2020) hosi pasiente pozetivu covid-19 ho seksu mane mate iha sala izolamentu Hospital Gabriel Manek Atambua.

Koordenador ba Assuntu Prosesu Vuneravel mate isin Covid-19 Distrik Belu, Vincent K. Laka hatete ba diariu nee katak ekipa vuneravel pasiente covid-19, halot ona mate isin pasiente covid-19 neebe mate iha Hospital Gabriel Manek Atambua.

“Ami halot ona mate isin covid-19 iha Simiteriu Covid-19 iha Masmae, Suku Tuku Neno, Postu Administrativu Tasifeto Oeste, Distrik Belu,” katak Vincent Laka.

Tuir dadus Komisaun Prevensaun Covid-19 Belu, hosi fulan Dezembru 2020, sidadaun Belu neebe mate kauza hosi covid-19 hamutuk ema nain 17. Hosi total nee, ema nain 13 hakoi iha Simiteriu Covid-19 iha Masmae, Suku Tuku Neno, Postu Administrativu Tasifeto Oeste, Distrik Belu.

Koordenador Komisaun Prevensaun Covid-19 Distrik Belu, Christoforus M. Loe Mau, SE, informa katak sidadaun neebe halo ona teste rapid antigen reativu hamutuk 390, swab 816 ho rezultadu 580 negativu no 32 hein rezultadu.

Atu evita Covid-19 iha Distrik Belu, governu apela ba sidadaun sira atu kumpre medida ezekuzaun neebe governu implementa ona hanesan, uza masakara, fase liman beibeik ho sabaun, uza hand sanitizer, asegura distansia social, la bele halibur malu.

“Ba sira neebe halao viajem iha distrik seluk, liu-liu distrik neebe kategoria zona mean bainhira fila fali mai tenke fo hatene komisaun prevensaun covid-19 ou liu hosi call center 081238654568 nebe ativu 24 horas, nunee komisaun bele orienta atu halao kuarentena mandiri atu asegura nia an, asegura familia no ema hotu hosi Covid-19,” dehan Loe Mau.*

Reportajen: Mikael Mali Mau
Editor: Crisogono Magalhães

LEAVE A REPLY

Please enter your comment!
Please enter your name here