Kazu Obitu Mate Ho Covid-19 Nain 5

DILI, STLNEWS.co – Loron 12 de Setembru tinan 2021, liu husi Sala Situasaun Sentru Integradu Jestaun Krize (SS-SIJK), rejistu tan kazu konfirmadu pozitivu Covid-19 hamutuk 133 no ema neebe mate ho pozitivu Covid-19 iha nain 5.

Kestaun nee hato’o husi Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, ba jornalista sira liu husi konferensia imprensa, Domingu (12/09/2021).

Nia esplika obitu neebe relata loron Domingu 12 Setembru tinan nee iha nain 5, feto nain 1 no mane iha nain 4. Sira nee komplikadu ho moras seluk, detallu tuir mai hanesan:

  1. Mane, idade 14, hela iha Lospalos, la vasina, iha 10 setembru 2021, diagnostikadu ho sindroma insufisiensia respiratoria aguda (SIRA) tanba Covid-19. Loron nee kedas matebian halao tratamentu iha Vera Cruz. Matebian sofre mos moras tetanu. Matebian is-kotu horikalan, 22:10.
  2. Mane, idade 63, hela iha Lospalos, seidauk simu vasina, iha 5 setembru 2021, diagnostikadu ho sindroma insufisiensia respiratoria aguda (SIRA) tanba Covid-19. Loron nee kedas matebian halao tratamentu iha Lahane. Matebian is-kotu horikalan, 22:25.
  3. Feto, idade 56, hela iha Suai, seidauk simu vasina, Iha 11 setembru 2021, diagnostikadu ho sindroma insufisiensia respiratoria aguda (SIRA) tanba Covid-19, iha Ospital Referensia Suai, no hahu halao tratamentu loron nee kedas iha ospital ida nee, tuir protokolu tratamentu ba Covid-19. Matebian sofre mos moras diabete ho moras fuan. Matebian is-kotu horikalan, 19:20.
  4. Mane, idade 97, hela iha Baucau, seidauk simu vasina, iha 11 setembru 2021, diagnostikadu ho sindroma insufisiensia respiratoria aguda (SIRA) tanba Covid-19, iha Baucau, no hahu halao tratamentu loron nee kedas iha fatin izolamentu iha Baucau, tuir protokolu tratamento ba Covid-19. Matebian sofre mos moras ipertensaun. Matebian is-kotu horikalan, 21:12.
  5. Mane, idade 41, hela iha Maliana, seidauk simu vasina, iha 9 agostu 2021, diagnostikadu ho sindroma insufisiensia respiratoria aguda (SIRA) tanba Covid-19. Loron nee kedas matebian halao tratamento iha Vera Cruz, tuir protokolu tratamentu ba Covid-19. Matebian is-kotu ohin, 14:10.

Familia hotu-hotu kolabora ho ekipa saude, hodi halao funeral tuir protokolu neebe adopta iha Timor-Leste.

Aleinde dadus populasaun neebe simu ona vasina ba segundu doze hamutuk 30.2%, nomos sira neebe simu ona primeiru doze iha 53.6%.*

Reportajen: Jeniche da Costa
Editor: António César

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: