KE – KSDS Husu PR Hatoo Pedidu Estende EE Ba Dala 17

DILI, STLNEWS.co – Konsellu Estadu no Konsellu Superior Defeza no Seguransa (KE-KSDS), halao enkontru ho PR liu husi zoom. Iha enkontru nee konsellu rua husu ba Prezidente Republika atu hatoo pedidu governu estende Estadu Emerejenia (EE) dala 17 ba Parlamentu Nasional hodi diskute.

Dehan Xefe Casa Sivil, Francisco Maria de Vasconcelos ba jornalista, iha Palasiu Prezidensial, Nicolau Lobato, Dili, Segunda (23/08/2021).

“Enkontru ohin Konsellu Estadu no Konsellu Superior Defeza no Seguransa rekomenda ba Prezidente atu hatoo pedidu ba Parlamentu Nasional, nunee Parlamentu deside atu autoriza ou la autoriza nee depende ba Parlamentu Nasional, maibe ohin lokraik prepara dokumentus atu hato’o ba Parlamentu Nasional,” hatete Xefe Casa Sivil nee.

Xefe Casa Sivil nee hatutan, konaba medidas ba Estadu Emerjensia (EE) nee bainhira Parlamentu Nasional diskute no autoriza ona katak Prezidente Republika dekreta depois mak governu sei halo fali dekretu ida atu halo implementasaun ba medidas saida mak bele foti bazeia ba dezenvolvimentu neebe mak iha rai laran.

“Medidas neebe mak sira foti bazeia ba dezenvolvimentu neebe mak iha ita nia rai Covid-19 inklui Variante Delta neebe mak foin dadauk sira fo sai,” katak nia.

Nia hatutan, governu halo pedidu mai iha Prezidente no husi Prezidente Republika mos tenke halo konsulta ho konsellu rua hanesan Konsellu Estadu nomos Konsellu Superior Defeza no Seguransa no husi konsellu rua rekomenda atu hato’o ba Parlamentu Nasional.

konaba Prezidente Republika nia Moras Xefe Casa Sivil hatete, rekuperadu ona, tanba nee mak ohin halo reuniaun ho konsellu rua maibe liu husi zoom deit.

Nia hatutan, enkontru ho konsellu rua liu husi zoom deit, no lais tanba Prezidente mak lakoi, maibe tanba rekomendasaun husi mediku sira atu nunee bele prevene an husi moras Covid-19 inklui variante Delta.

Antes nee mos governu liu husi reuniaun Konsellu Ministru (KM) propoin ba Prezidente Republika (PR), Francisco Guterres Lu-Olo, atu renova Estadu Emerjensia (EE) ba loron 30 iha fulan Setembru nian.

Tuir Ministru Prezidensia no Konsellu Ministru (MPKM), Fidelis Leite Magalhães, hatete, kauza determina sira neebe justifika ona deklarasaun Estadu Emerjensia (EE) no ninia renovasaun sira kontinua mantein, nunee bele evita no neutraliza risku ho propagasaun varian SARS-CoV-2.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: