KO, Governu Tau Matan Ba Povu

DILI, STLNEWS.co – Governu liu husi reuniaun Konsellu Ministru deside implementa Konfinamentu Obrigatoriu iha Munisipiu Dili, tanba nee povu husu governu atu tau matan ba moris loron – loron.

“Hanesan ema sira neebe servisu nee diak bele taka dalan, tanba fulan – fulan, sira nia vensimentu simu nafatin, maibe hanesan ami komunidade buka negosius iha dalan ninin araska oituan, tanba ami nia oan sira eskola hotu no atu sustenta uma ba laran mos ita sente araska,” dehan negosiante Guilhermina Moniz, ba STL iha Hudi Laran, Kinta (26/08/2021).

Nia dehan, governu dehan taka to’o fulan tomak, ema foho labele mai no sira labele hola sasan, entaun ita laiha rendimentu oinsa selu oan sira eskola no sa tan ema balun kost. Eskola oan sira mos agora dezempregu tesik ba mai, governu tenke hanoin ba ida nee. Depois taka negosiu hanesan bulanti sira bele taka tanba ita tauk mate, maibe taka halo oinsa lai, governu sei haree ba povu nia moris.

Guilhermina hatutan, KO nee diak maibe ba povu ladiak, tanba buka moris ladiak no governu mos loke taka, halo mate ba povu deit. Oan sira eskola, depois inan aman laiha servisu, estudante barak uluk eskola remata ona, maibe servisu laiha, ijasa ka diploma leba tun sae, ka kous modo no dudu gerobak sira, governu la hanoin ida nee, loke netik servisu ruma ba estudante sira neebe remata ona.

Nia husu ba governu tuur hamutuk atu koalia kona ba KO, para estudante sira mos bele hakmatek ba eskola, igreja bele loke fali no atividade hotu bele lao normal fila fali.*

Reportajen : Blandina Mauno/Joaninha Belo

Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...