Komfinamentu Obrigatoriu, Komunidade Hakmatek Iha Uma Mantein Regras

DILI, STLNEWS.co – Reprezentante povu iha uma fukun Parlamentu Nasional (PN), husu ba komunidade hakmatek iha uma karik laiha nesesidade urjente, i mantein regras atu evita aumenta Covid-19.

Kestaun nee hatoo husu Deputadu Fretilin, Dario Madeira, katak komfinamentu obrigatoriu nee presiza haree didiak mak bele sertifika ema balun hodi tama sai Dili, tanba Dili nia risku boot tebes hodi daet COVID-19.

Tuir nia, hanesan deputadu no reprezenta povu iha uma fukun Parlmentu Nasional agradese tebes ba esforsa tomak neebe VIII Governu Konstituisional halo hodi salva nia povu Timor Leste hodi moras Covid-19 nee labele hadaet ba ema barak.

“Hau husu ba povu tomak atu kumpri nafatin regras saude OMS no Ministeriu Saude liu husi sala situasaun nian liu-liu distansiamentu sosial, fase liman ho sabun, labele lao sai demais ba buat neebe la urgente, buat hotu nee diak ba ita nia aan rasik, tanba nee ita hotu-hotu tenke kaer moto Ministeriu Saude nian katak , ita nia saude iha ita nian liman rasik” katak Deputadu Dario ba STL via Facebook Messanger, Domingo (14/03/2021).

Reprezentante povu nee, agradese boot no respeita tomak ba Sentru Integradu, neebe ho disponibilidade tomak hodi kontinua esforsu, hodi hakotu korente COVID-19 nian, hodi labele daet ba ema barak liu hodi evita ema mate.

Deputadu nee, apoiu ba sira hotu neebe servisu iha lina frente la iha rezerva maske ema balun la fiar, tuda no insulta ka trata sira nafatin iha media sosial sira.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: