Komunidade Hakbesik An Ba Parte Saude Hodi Simu Vasina

DILI, STLNEWS.co – Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru ninia.

Tuir Xefe Suku Zulo, Postu Administrativu Zumalai, Munisipiu Covalima, João Lopes de Carvalho afirma, komunidade sira nafatin hakbesik an ba fatin vasinasaun, atu nunee sira bele simu vasina husi parte saude sira husi Postu Zumalai ninia, tantu Suku Zulo komunidade maioria simu ona vasinasaun, tanba ikus liu iha Aldeia Zulo Atas.

“Ho programa vasinasaun, neebe orientasaun husi Organizasaun Mundial Sauda (OMS) katak, komunidade Timor Leste, tenke asesu ba vasinasaun, tantu iha Suku Zulo, Aldeia hat, Leogol, Lale, Obuk Mil, no Zulo Atas iha ona programa vasinasaun ba kada aldeia, hahu iha loron 21 fulan Junnu, hahu uluk ba komunidade Aldeia Lale, Leogol, Obuk Mil, ikus liu iha Zulo Atas. Partisipasaun komunidade portantu hakarak komunidade kondisaun diak, entaun komunidade maioria kontinua hakbesik an iha programa vasinasaun,” dehan João ba STL liu husi telefone, Sesta (25/06/2021).

Nia dehan, komunidade Zulo maioria hetan ona vasina, maibe iha buat balun neebe presiza hadia, hanesan aimoruk vasina nian AstraZeneca la too, tanba nee rekomenda ba parte saude nian katak, iha fulan Agostu presiza lori aimoruk nee atu halo vasina ba komunidade sira tenke sura halo too didiak, atu nunee komunidade labele halo antrian ba vasinasaun.

Nunee mos, Justina Cardoso, hanesan komunidade Suku Zulo, Aldeia Lale simu ona vasina doze primeiru iha loron 21 Junnu, no doze segundu sira sei simu fulan Agostu, simu tiha vasina sente diak laiha buat ida.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: