Kontaktu Pozitivu Husi Inan Aman, Bebe Ida Iis Kotu Iha Vera Cruz

DILI, STLNEWS.co – Centro Integrado Gestão de Crises, Sala Situação (CIGC-SS / SS-SIJK) iha loron 29 de Juñu relata, iha obitu loron ohin nian nain ida. Neebe bebe mane ho idade fulan 7, Timoroan, nia hela iha Suku Bahamori, Postu Administrativu Venilale, Baucau. Inan-aman detetadu pozitivu, tanba nee hetan kontaktu no ikus mai bebe nee hakotu iis iha Vera Cruz.

“Ninia rezultadu PCR negativu, tanba bebe nee tama kriteriu kontaktu besik husi inan-aman neebe pozitivu iha dia 25 Juñu repete teste PCR, teste daruak nee hatudu rezultadu pozitivu ho cycle threshold (CT) N2gene 26,7, egene 25,3” dehan Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba jornalista sira liu husi nota konferensia imprensa, Tersa (29/06/2021).

Nia informa, mediku sira iha Hospital Referensia Eduardo Ximenes Baucau deside enkamiña mai Vera Cruz, ho diagnoze traballu bronchopneuonia.

Hahu 26 Juñu ninia kondisaun deterioriza, ho iha 28 Juñu iis kotu iha Vera Cruz, ho sindroma insufisiensia respiratoria aguda (SIRA), ka susar no defisil atu dada-iis. Tanba Covid-19, familia koordena ona ho ekipa saude atu halao funeral tuir protokolu neebe adopta iha Timor Leste.

Nia hatutan, iha loron 29 fulan Juñu liu husi Centro Integrado Gestão de Crises, Sala Situação (CIGC-SS / SS-SIJK) rejistu kazu konfirmadu pozitivu Covid-19 nain 63.

“Kazu detetadu foun neebe relata iha dia 29 de Juñu iha 63, iha Munisipiu Dili nain 42, iha Munisipiu seluk hamutuk nain 21,” dehan Rui.

Nia dehan, husi kazu foun nee iha mane nain 39 no feto nain 24, ho idade tinan 12 nain 1, entre idade 12 too 59 nain 62 ba (98,4%), nomos idade 60 laiha, husi kazu sira nee iha 3 % sintomatiku.

Entretantu kazu rekoperadu iha nain 73, no kazu ativu 790, nomos total kazu konfirmadu kumulativu iha 29 de Juñu no sura husi dia 21 Marsu 2020 hamutuk 9.118.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: