La Koopera Regra Covid-19, Tiru!

Reprezentante povu iha uma fukun Parlametu Nasional (PN), husu ba governu atu tau medidas rigorozu iha area fronteira i ema hotu tenke kumpri regras, karik lakohi koopera maka sei tiru tohar ain. (Foto: STL/Guilhermina Franco)

DILI, STLNEWS.co – Reprezentante povu iha uma fukun Parlametu Nasional (PN), husu ba governu atu tau medidas rigorozu iha area fronteira i ema hotu tenke kumpri regras, karik lakohi koopera maka sei tiru tohar ain.

Tuir Deputada Bankada PLP, Rosalina Ximenes, fo parabens ba Governu da-8, tanba bele mobiliza rekursu oin-oin neebe iha hodi defende povu nia moris, husi moras Covid-19 hahu husi 2020 too 2021 seidauk iha ema ida mate maske TL iha moras Covid-19.

“Husu ba governu atu aumenta medidas rigorozu iha fronteira, atu nunee ema hotu tenke kumpri regras sira neebe governu tau. Sira neebe maka ulun fatuk toos karik, i lakohi koopera ho seguransa sira iha fronteira i lakumpri regras diak liu tiru tohar tiha sira nia ain, duke ema barak sofre,” dehan nia liu husi plenaria iha PN, Segunda (01/03/2021).

Aleinde nee relasiona ho fatin kuarentena, governu prepara ona ba ema sira neebe tama sai tuir sira nia hakarak. Nia afirma, husu governu lalika fo gratuira ba sira hela iha fatin kuarentena, husu sira selu mesak hodi bele sente atu labele tama sai tan tuir sira nia hakarak.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here