Lere Relata Situasaun Rai Laran – Covid19 Ba PR

Xefe Estadu Maior Jeneral F-FDTL, Major Jeneral Lere Anan Timur relata situasaun rai laran inklui preokupasaun Covid-19 ba Prezidente Republika, Francisco Guterres Lú Olo, iha Palasiu Prezidente Nicolau Lobato, Dili. (Media PR)

DILI, STLNEWS.co – Xefe Estadu Maior Jeneral F-FDTL, Major Jeneral Lere Anan Timur relata situasaun rai laran inklui preokupasaun Covid-19 ba Prezidente Republika, Francisco Guterres Lú Olo, iha Palasiu Prezidente Nicolau Lobato, Dili.

Dehan Lere ba jornalista, hafoin hasoru malu ho Xefe Estadu, iha Palasiu Prezidente Nicolau Lobato, Dili, Kuarta (20/01/2021).

“Primeiru hau aprezenta situasaun rai laran, situasaun diak, laiha konflitu laiha disturnu sunu uma oho malu, segundu koalia konaba prevensaun corona virus, ita hotu hatene katak desde estadu, governu dekreta Estadu Emerjensia ba dala ualu ka dala hira mak nee too agora ita seidauk rejista ema mate maibe rejista nafatin ema ilegal iha fronteira ida nee mak hau nia preokupasaun hatoo ba Prezidente Republika,” dehan nia.

Xefe Estadu Maior F-FDTL nee hatutan, tenke reforsa nafatin seguransa fronteira hanesan estadu emerjensia lei fo ordem taka fronteira, nunee mos bele prevene Covid-19 mai rai laran.

“Maibe hau bele dehan lina fronteira nee luan no naruk la halimar difisil kontrola ita nia ema mos la too maibe PNTL no F-FDTL komando rua nee tuur hamutuk ona atu reforsa tan pozisoens aumenta tan pozisoens iha fronteira mais bele dehan katak uluk ita funu nee Indonezia nunka kontrola too iha neeba, ezemplu uluk hau subar iha atelari neeba nee Indonezia lahatene i agora mos hanesan nee i agora ita la kontrola too fronteira neeba ilegais nafatin” hatete Major Lere.

Nia dehan, tuir informasaun katak iha loron 2 fulan Janeiru too agora ema tama Ilegal hamutuk 34, husi numeru nee 31 tama kuarentena Batugade no nain 3 halai sai ba hamutuk ho familia no iha dia 12 mak kaer fali.

Major Lere mos kestiona ba sidadaun nain 3 neebe mak latama kuarentena nee posetivu ka negativu, karik positivu mak familia neebe mak durante hamutuk nee mos positivu hotu ona no familia sira nee mos kontaktu tan ona ho familia sira seluk entau nee transmisaun lokal iha ona.*

Reportajen: Emerenciana Pinto/ESTV
Editor: Ekipa STL

LEAVE A REPLY

Please enter your comment!
Please enter your name here