Mate Ho Pozitivu Covid-19, Familia Deside Lori Ba Uma

DILI, STLNEWS.co – Loron 13 fulan Setembru tinan 2021 liu husi Centro Integrado Gestão de Crises, Sala Situação (CIGC-SS) rezistu tan obitu nain 1, neebe mate ho pozitivu Covid-19, maibe familia deside lori ba uma halao tuir kultura, la hakoi tuir protokolu Ministeriu Saude (MS) nian.

Kestaun nee informa husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo ba jornalista sira liu husi nota konferensia imprensa, Segunda nee (13/09/2021).

Nia dehan, total óbitu neebe relata Centro Integrado Gestão de Crises, Sala Situação (CIGC-SS) loron 13 fulan Setembru iha nain 1, maibe familia deside lori mate isin ba uma.

Nia esplika, mane ho idade  tinan 65 hela iha Munisipiu Dili, nia seidauk  simu vasina, ohin dader madrugada, diagnóstikadu Covid-19 ho AVC emorájiku iha HNGV.

“Matebian iis-kotu madrugada tuku 01:19 OTL, iha HNGV, maibe familia deside lori mate isin ba uma,” hatete Rui.

Entretantu iha loron 13 fulan Setembru tinan 2021 nee iha sala  izolamentu Vera Cruz no Lahane, nomos HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu iha nain 81.

Hanesan grave hamutuk 12 pessoas, nain 3 uza ventilador, nain 4 uza  CPAP-Continuous Positive Airway Pressure- 5 uza oksijéniu, Moderado hamutuk 45 pessoas, Leve hamutuk 24 pessoas.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: